Wonembewa na Luka 3:1-38
3 Mu gole ya 15 ya utongi wa Kaisara Tiberiyo, Pontiyo Pilato wenze governador wa Yudeya. Herode* wenze wotonga chigawo cha Galileya. Filipo m’bale wake wenze wotonga m’madera ya Itureya na Tirakoniti. Ndipo Lusaniyo wenze wotonga chigawo cha Abilene.
2 Mu ntsiku mwezo Anasi wenze wantsembe nkulu ndipo Kayafa wenze nkulu wa antsembe. Pa nthawe mwiyo mawu ya Mulungu yadafika kwa Yohani mwana wa Zekariya nchipululu.
3 Pamwapo iye adayenda m’mamiyi yose ya pafupi na Yorodano ndipo ambalalikira va ubatizo ninge chizindikiro cha kulapa kuti machimo yakhululukiwe.
4 Angachita vimwevi mobverana na vomwe vidanembewa m’bukhu ya mneneri Yesaya kuti: “Munthu munango ankukuwa muchipululu kuti: ‘Konzani njira za Yahova*! Muthamule misewu yake.
5 Chigwa chirichose chifuchiriwe, ndipo phiri iriyose na ntunthu uliwose visalaziwe. Njira zobendabenda zikhale zothamuka ndipo malo yokumbikakumbika yakhale yosalaziwa bwino.
6 Wanthu wose adzawone njira ya Mulungu yopulumusira wanthu.’”
7 Pamwapo adayamba kuuza gulu ya wanthu womwe angabwera kudzabatiziwa kuti: “Wana wa nyoka imwe, mbani wakuchenjezani kuti muthawe ukali womwe unkubwera uyu?
8 Ndipomwapa balani vipaso vowonesa kuti mwalapa. Ndipo ayi kumbadzinamiza kuti: ‘Tiri na ababa wathu Abulahamu.’ Ndawa ninkukuuzani kuti Mulungu angakwanise kukonzera wana Abulahamu kuchokera kuminyala aya.
9 Shuwadi, mbadzo yaikhiwa kale pa mizu ya miti. Ndipomwapa, muti uliwose womwe ubalalini vipaso vabwino ugwatiwa nkuthusiwa pa moto.”
10 Pamwapo gulu ya wanthu imbamubvunza kuti: “Manje tichite chani?”
11 Iye adawadawira kuti: “Munthu yemwe anavovala viwiri agawireko yemwe alibiretu ndipo yemwe anachakudya achite pomwe chibodzibodzi.”
12 Wotsonkhesa mtsonkho nawombo adabwera kudzabatiziwa ndipo adamubvunza kuti: “Mpfunzisi, tichite chani?”
13 Iye adawauza kuti: “Ayi kumbalipirisa wanthu kobiri zizinji kuposha ntengo chaiye wa mtsonkho.”
14 Masocha nayombo yambamubvunza kuti: “Ko tichite chani?” Ndipo iye ambawauza kuti: “Ayi kumbashupisa wanthu panango kutonga mulandu munthu aliyese mulandu wa bodza, koma mumbakhutire na vomwe muli navo.”
15 Manje wanthu ambayembekezera Khrisitu ndipo wose ambaganiza m’mitima yawo va Yohani kuti: “Ko Khrisitu ule ni moyulini?”
16 Yohani adawadawira wose mwawo kuti: “Ine ninkukubatizani na madzi koma munango wamphanvu woposha ine ankubwera, yemwe ine ndinelini woyenerera kumasula nthambo za ntsapato zake. Iye adzakubatizeni na mzimu uchena komasoti na moto.
17 Fosholo yake youluzira mungu iri m’manja mwake ndipo malo yake yopunthirapo mbewu adzayachenese kuti mbee! Tirigu adzamututire mu nkhokwe, koma m’mungu adzaushoke na moto womwe ungadzimwiwelini.”
18 Iye adapereka soti malangizo yanango yazinji, ndipo adapitiriza kulengeza ntontholo wabwino kwa wanthu.
19 Manje pakuti Yohani adatsuula mpfumu Herode pa nkhani ya Herodiya, nkazi wa m’bale wake, komasoti ndawa ya voipa vose vomwe Herode adachita,
20 Herode adaingizira choipa chinango pa voipa vose vimwevi: Adafungira Yohani mudjeri.
21 Pomwe wanthu wose angabatiziwa, Yesu nayembo adabatiziwa. Panthawe yomwe angapemphera, kudzulu kudafunguka,
22 ndipo mzimu uchena wooneka ninge nkhangaiwa udabuluka nkudzamutera. Pamwapo padabveka mawu yochokera kudzulu yakuti: “Iwe ndiwe Mwana wangu wapamoyo, nikondwera nawe maninge.”
23 Pomwe Yesu adayamba basa yake wenze na magole pafupifupi 30. Wanthu ambadziwa kuti Yesu wenze mwanawa Yosefe,mwana wa Heli,
24 mwana wa Matati,mwana wa Levi,mwana wa Meliki,mwana wa Yananai,mwana wa Yosefe,
25 mwana wa Matatiyo,mwana wa Amosi,mwana wa Nahumu,mwana wa Esili,mwana wa Nagai,
26 mwana wa Maati,mwana wa Matatiyo,mwana wa Semeini,mwana wa Yoseki,mwana wa Yoda,
27 mwana wa Yoanani,mwana wa Resa,mwana wa Zerubabele,mwana wa Salatiyeli,mwana wa Neri,
28 mwana wa Meliki,mwana wa Adi,mwana wa Kosamu,mwana wa Elimadama,mwana wa Ere,
29 mwana wa Yesu,mwana wa Eliezere,mwana wa Yorimu,mwana wa Matati,mwana wa Levi,
30 mwana wa Sumiyoni,mwana wa Yudasi,mwana wa Yosefe,mwana wa Yonamu,mwana wa Eliyakimu,
31 mwana wa Meleya,mwana wa Mena,mwana wa Matata,mwana wa Natani,mwana wa Davide,
32 mwana wa Jese,mwana wa Obedi,mwana wa Boazi,mwana wa Salimoni,mwana wa Naasoni,
33 mwana wa Aminadabu,mwana wa Arini,mwana wa Hezironi,mwana wa Perezi,mwana wa Yuda,
34 mwana wa Yakobo,mwana wa Isaki,mwana wa Abulahamu,mwana wa Tera,mwana wa Nahori,
35 mwana wa Serugi,mwana wa Reu,mwana wa Pelegi,mwana wa Ebere,mwana wa Shela,
36 mwana wa Kainani,mwana wa Aripakisadi,mwana wa Semu,mwana wa Nowa,mwana wa Lameki,
37 mwana wa Metusela,mwana wa Inoki,mwana wa Yaredi,mwana wa Mahalaliyeli,mwana wa Kainani,
38 mwana wa Enosi,mwana wa Seti,mwana wa Adamu,mwana wa Mulungu.
