Wonembewa na Maliko 16:1-8
-
Yesu adamukisiwa (1-8)
16 Paidamala ntsiku ya Satade, Mariya wa ku Magadala, Mariya mayi wake wa Yakobo na Salome, adagula vonunkhirisa kuti akadzoleke thupi ya Yesu.
2 Machibese maninge ntsiku yoyamba ya sondo mweyo, iwo adafika kumanda* mwayo dzuwa yabula kale.
3 Iwo ambabvunzana kuti: “Ko ni mbani yemwe akatikunkhulizire chimwala chire pa nsuwo wa manda?”
4 Koma padanyang’anisisa, adaona kuti mwala muyo wakunkhuliziwa kale podiya kuti wenze ukulu maninge.
5 Padangena m’manda mumo, adaona mulumbwana munango ali khale pasi mbali yakumakulu alivale mkhanjo uchena ndipo iwo adadabwa maninge.
6 Iye adawauza kuti: “Ninkudziwa kuti munkufaga Yesu wa ku Nazareti, yemwe adaphewa mwakuchita kumanikiwa pa muti. Iye wamukisiwa kwa wakufa, ndipo muno mulibe. Onani, ni apalini pomwe iye wenze adagonesewa!
7 Imwepo yendani mukauze wopfunzira wake komasoti Petulo kuti: ‘Watsogola kuyenda ku Galileya. Kumuko mukamuone mobverana na vomwe iye adakuuzani.’”
8 Iwo padabula m’manda mumo, adayamba kuthawa ankunjenjemera na kunthunthumira maninge. Ndipo alibe kuuza munthu aliyese vomwe vidachitika ivo ndawa enze na mantha.*
Mawu ya m’nyantsi
^ Panango kuti: “manda ya chikumbuso.”
^ Mobverana na mipukutu yoyambirira yothembeka, bukhu ya Maliko imaliza na mawu yogumanika mu vesi 8 basi.
