“Ntundu udzaukirane na ntundu unzake ndipo ufumu udzaukirane na ufumu unzake . . . Vose vimwevi kudzakhale kuyamba kwa mabvuto yakulu.”

Mateyu 24:7, 8

“Kudzakhale aneneri azinji wabodza ndipo adzasokerese wanthu azinji. Ndawa ya kuingizirika kwa kusabvera malamulo, chikondi cha wanthu azinji chidzazizire.”

Mateyu 24:11, 12

“Mukadzabva zungo ya nkhondo na mbiri za nkhondo, ayi kudzachita mantha. Vimwevi vifunika kuchitika, koma mapeto yadzakhale yakanati yafika.”

Maliko 13:7

“Kudzachitike vivomezi vamphanvu ndipo kudzakhale miliri na njala m’malo yosiyanasiyana. Kudzaoneke vinthu vopasa mantha ndipo kudzulu kudzaoneke vizindikiro vodabwisa.”

Luka 21:11

 “Ntsiku zomalizira zidzakhale nthawe yapadera na yoshupa. Wanthu adzakhale wodzikonda, wokonda kobiri, wodziwonesera, wodzikwiza, wonyoza, wosabvera azibereki, wosatembeja, wosakhulupirika, wosakonda azibale wawo, wosafuna kubverana na anango, onamizira anzawo, osadziletsa, wogopsya, wosakonda vabwino, wochitira anzawo voipa, omwe akubvalini va anzawo, odzikwiza ndawa yomeka, okonda vokondweresa m’malo mokonda Mulungu, komasoti owoneka ninge odzipereka kwa Mulungu koma alamba kuti mphanvu ya kudzipereka muko iwachinje.”

2 Timoteyo 3:1-5