Paidapita gole ya 4026 AEC

“Nyoka” idatsutsa vakuti Yahova atonga bwino. Yahova adapolomisa kuti padzakhale “mbadwa” panango kuti “mbewu” kuti kuyenda kwa nthawe idzaphwanye msolo wa nyoka yomwe ni Satana. (Genesis 3:1-5, 15, mawu ya mnyantsi) Olo kuti viri teno, Yahova wabvuma kuti wanthu adzilamulire motsogolerewa na mphanvu ya “nyoka.”

Mu 1943 AEC

Yahova adauza Abulahamu kuti “mbadwa” yopolomisiwa idzachokere kwa wana wake.—Genesis 22:18.

Pidapita gole ya 1070 AEC

Yahova adatsimikizira Mpfumu Davide ndipo patsogolo pake adatsimikizira pomwe mwana wake Solomo, kuti “mbadwa” yopolomisiwa iyo idzachokere m’banja yake.—2 Samueli 7:12, 16; 1 Mafumu 9:3-5; Yesaya 9:6, 7.

Mu 29 EC

Yahova adasankhula Yesu kukhala “mbadwa” yopolomisiwa kuti adzakhale pa mpando wachifumu wa Davide.—Agalatiya 3:16; Luka 1:31-33; 3:21, 22.

 Mu 33 EC

Pofuna kukangisa vakuti osati pakhale mbadwa yopolomisiwa, Satana yemwe ni nyoka, adapha Yesu. Koma Yahova adamukisa Yesu yemwe patsogolo pake adayenda kudzulu. Kumuko Yahova adatambira moyo wangwiro wa Yesu, womwe uthandiza kuti wanthu ambakhululukiriwe machimo nakuti adzatambire moyo wosapera.—Genesis 3:15; Machitidwe 2:32-36; 1 Akorinto 15:21, 22.

Cha m’ma 1914 EC

Yesu adaponya padziko yapasi nyoka, yomwe ni Satana, kuti akhalepo kwa kanthawe kochepa.—Chivumbuluso 12:7-9, 12.

Kutsogolo

Yesu adzamange Satana kwa magole 1000, patsogolo pake adzamudzonge, vomwe vinkuimira kuphwanya nsolo wa Satana. Pamwapo cholinga choyambirira cha Yahova kwa wanthu na dziko yapasi chidzakwanirisiwe. Dzina yake idzachenesewe ndipo vimwevi vidzawonese kuti iye ndiye woyenerera kutonga.—Chivumbuluso 20:1-3, 10; 21:3, 4.