Davide adagonjesa Goliyati ndawa yakuti adathemba Yahova. (1Sa 17:45) Yahova achada kuwonesa mphanvu zake kwa atumiki wake wose. (2Mb 16:9) Ko tingawonese tani kuti tinkuthemba thandizo ya Yahova osati kuthemba mphanvu na nzeru zathu? Onani njira zitatu izi:

• Timbapemphere kawirikawiri. Timbapemphere osati kuti tindopempha kukhululukiriwa tikaphonyesa chinthu, koma timbapemphere pomwe kuti atipase mphanvu kuti tikwanise kulimbana na chiyeso. (Mt 6:12, 13) Timbapemphere osati kuti Yahova adalise vinthu vomwe tasankhula kale, koma kuti atipase nzeru na malangizo tikanati kusaina kuchita chinthu.—Yak 1:5

• Timbakhale na chizolowezi chowerenga na kupfunzira Baibolo. Timbalewenge Baibolo ntsiku zose. (Sl 1:2) Timbapatule nthawe yoganizira vitsanzo va m’Baibolo na kuyesesa kuphatisa basa vatapfunzira. (Yak 1:23-25) Timbakonzekere poyenda kukalalikira osati kumbandobwerezera vinthu vibodzi na vibodzi. Timbakonzekere kudakali na nthawe kuti tikaphindule mwakukwana pamisonkhano

• Timbabverane na gulu ya Yahova. Timbadziwe malangizo yanyowani yaliyose yomwe gulu yapereka ndipo timbakulumize kuyatewedza. (Nu 9:17) Timbabvere akulu akambatipasa malangizo.—Ahe 13:17

NYANG’ANIRANI VIDIYO YAKUTI PALIBE CHIFUKWA CHOGOPERA KUDZUDZIWA, NDIPO IKAPERA DAWIRANI MIBVUNZO AYA:

• Ko ni vinthu viponi vomwe vingapasa mantha abale na alongo?

• Ko nchani chidawathandiza kuti asiye kumbachita mantha?