Wanthu womwe angakhale pa ushamwali wabwino na Yahova ni wale womwe anamakhalidwe yabwino basi. (1Pe 1:14-16) Wopfunzira Baibolo akasiya makhalidwe yoipa angakhale na banja yabwino, thanzi yabwino, angadzongelini kobiri mwachisawawa ndipo angagumane basa mosashupa.

Mufotokozereni mobveka bwino mpfundo za Yahova pankhani ya makhalidwe yabwino, kumuwonesa ndawa yake Yahova adapereka mpfundo zimwezi na kuwona momwe angaphindulire akaziphatisira basa. Ikhirani nzeru pa kuthandiza wopfunzira kuchinja kaganizidwe kake nakuti akhale wotsimikiza kuchita vomwe Yahova achada. (Aef 4:22-24) Mutsimikizireni kuti na thandizo ya Yahova angakwanise kusiya makhalidwe yoipa. (Afi 4:13) Apfunziseni kuti ambagwigwirire Yahova akambayesewa kuti achimwe. Athandizeni kuzindikira vinthu vomwe vingawaikhe pachiyeso ndipo ambavipewe. Alimbikiseni kuti achinje makhalidwe yoipa nkukhala na makhalidwe yabwino. Vikomedza kuwona wopfunzira Baibolo akupita patsogolo na kuchinja moyo wake mothandiziwa na Yahova.

NYANG’ANIRANI VIDIYO YAKUTI THANDIZANI PFUNZIRO YANU YA BAIBOLO KUSIYA MAKHALIDWE YOYIPA, NDIPO IKAPERA DAWIRANI MIBVUNZO AYA:

• Ko akulu pabodzi na Neeta awonesa tani kuti Jade angachinje?

• Ko Neeta wawonesa tani khama pakuthandiza Jade?

• Ko Jade wafaga tani thandizo kwa Yahova?