29 Abril–5 Maio
SALIMO 34-35
Nyimbo Na. 10 na pemphero | Mawu yoyamba (1 min.)
1. “Nidzatamande Yahova nthawe zose”
(10 min.)
Davide ambatumikira Yahova podiya pa nthawe yomwe ambagumana na mabvuto (Sl 34:1; w07-CN 3/1 tsa. 22 ndi. 11)
Davide ambayankhula va Yahova mokondwa, osati va m’maganizo mwake (Sl 34:2-4; w07-CN 3/1 tsa. 22 ndi. 13)
Mawu yabwino ya Davide pakutamanda Yahova yadalimbikisa anzake (Sl 34:5; w07-CN 3/1 tsa. 23 ndi. 15
Pomwe Davide adapulumusiwa kwa Abimeleki, amuna okwana 400 omwe ambadandaula na vochita va Sauli adachita mbverano na Davide m’chipululu. (1Sa 22:1, 2) Vingachitike kuti Davide ambaganizira va iwo pomwe ambanemba Salimo mweyi.—Sl 34, mawu yapadzulu.
DZIBVUNZENI KUTI: ‘Ko ningatamande tani Yahova pocheza na anzangu pa misonkhano yomwe yankubwera?’
2. Mpfundo zothandiza
(10 min.)
-
Sl 35:19—Ndawa chani Davide adakumbira Yahova kuti azondi wake aleke kumuzonda ‘palibe chifukwa.’? (w06-CN 5/15 tsa. 20 ndi. 2)
-
Ko mwapfunzira chani pa kuwerenga Baibolo kwa sondo ino?
3. Kuwerenga Baibolo
(4 min.) Sl 34:1-22 (th pfunziro 5)
4. Kuyambisa macheza
(2 min.) ULALIKI WA MWAMWAYI. Mukanati mwamulalikira munthu, macheza yankumala. (lmd pfunziro 1 mpfundo 4)
5. Kupitiriza
(4 min.) ULALIKI WA MWAMWAYI. (lmd pfunziro 2 mpfundo 4)
6. Fotokozani vomwe muchakhulupirira
(5 min.) Chitsanzo. ijwfq 59—Msolo: Ko wa Mboni za Yahova achakwanisa tani kusalula kukondwerera festa panango neye? (th pfunziro 17)
Nyimbo Na. 59
7. Njira zitatu zomwe tingatamandire Yahova pa misonkhano
(15 min.) Nkhani yokambirana.
Tinanjira zizinji zomwe tingatamandire Yahova pa misonkhano. Naboni tiwone njira zitatu.
Macheza: Mukambacheza na anango, mbayankhulani va kukoma ntima kwa Yahova. (Sl 145:1, 7) Ko imwepo mwawona panango kuwerenga nkhani yomwe yakulimbikisani? Ko vakufambirani bwino pomwe mumbalalikira? Ko alipo yemwe wayankhula panango kuchita chinthu chomwe chakulimbikisani? Ko mudawona chinthu chomwe chidakuchitisani chidwi cha n’chilengedwe? Vinthu vose mwevi ni mphaso yochokera kwa Yahova. (Yak 1:17) Yesesani kufika na nthawe pa misonkhano kuti mukwanise kucheza na anzanu.
Midawiro: Yesesani kupereka ndemanga olo ibodzi pa misonkhano. (Sl 26:12) Imwepo mungapereke m’dawiro wachigwato, mawu yoingizira panango kuwerenga lemba, kufotokozera mafoto panango momwe tingaphatisire basa mpfundo mwezo. Ganizirani kuti mungaimise djanja koma neye kulatiwa. Ndipomwapa mbakonzekerani midawiro yazinji. Tikambapereka ndemanga zachigwato, tidzapereke mwayi kwa anzathu kuti akwanisembo ‘kupereka ntsembe yotembeja kwa Mulungu.’—Ahe 13:15.
Nyimbo: Mukakhala ku misonkhano mbayimbani na ntima wose. (Sl 147:1) Vingachitike kuti imwepo mulibe kukwanisa kupereka ndemanga panango ndawa yakuti mumpingu mwanu mu na wanthu azinji. Koma imwepo nthawe zose mungakwanise kuyimba nyimbo. Podiya muchiganiza kuti mulibe buya yoyimba, ganizirani momwe Yahova achakhalira wokondwa akambawona munkuyesesa kuchita vomwe mungakwanise! (2Ak 8:12) Imwepo mungapfunzire kuyimba nyimbo mwezi kumuyi.
Nyang’anirani VIDIYO yakuti: Mbiri ya gulu yathu—Mphaso ya nyimbo, Mbali yoyamba. Patsogolo pake bvunzani obvera kuti:
Ko kuchokera pomwe gulu yathu idayamba tawonesa tani kuti kuyimba nyimbo zotamanda Yahova ni kodekana?
