Ko Ufumu wa Mulungu n’chani?
Ko muchati . . .
-
ni chinthu chiri mumtima?
-
ni chinthu chondolinganiza?
-
ni boma yakudzulu?
BAIBOLO YICHATI:
‘Mulungu wakudzulu adzakhazikise boma yomwe idzachenekewelini.’ — Danieli 2:44, Baibulo la Dziko Latsopano.
‘Kwa ise kwabadwa mwana nkume; ndipo paphewa pake padzakhale ulamuliro.’ — Yesaya 9:6.
PHINDU YA KUDZIWA VIMWEVI
-
Mudzakondwe kudzakhala na boma yachilungamo. — Yesaya 48:17, 18.
-
Mu dziko yinyowani tidzakondwe na moyo wangwiro. — Chivumbulutso 21:3, 4.
KO TINGAKHULUPIRIREDI VAYICHASEWERA BAIBOLO?
Inde ndawa ya vinthu viwiri ivi:
-
Yesu adawonesa vomwe Ufumu wa Mulungu udzachite. Yesu adapfunzisa ateweri wake kuti ambapempherere kudza kwa Ufumu wa Mulungu, kuti chifuniro cha Mulungu chichitike padziko. (Mateyu 6:9, 10) Iye adawonesa momwe Mulungu adzadawirire pemphero mwaiyi.
Yesu pewenze padziko yapasi pano, adadyesa wanjala, adapolesa wodwala achimukisa soti wakufa. (Mateyu 15:29-38; Yohane 11:38-44) Vomwe iye adachita, vidawoneseratu vomwe ufumu udzachitire wanthu Yesu akadzayamba kutonga ninga Mpfumu ya Ufumu wa Mulungu. — Chivumbulutso 11:15.
-
Vinthu vinkuchitika m’dziko, vinkuwoneseratu kuti Ufumu wa Mulungu uli pafupi. Yesu adaneneratu kuti Ufumu wa Mulungu ukalibe wabweresa mtendere padziko yapasi, m’dziko mudzakhale nkhondo, njala na vivomezi. — Mateyu 24:3, 7.
Vimwevi ndivo vinkuchitika ntsiku zino. Ndipomwapa tipenukiralini kuti Ufumu wa Mulungu udzapeze mabvuto.
YAMBANI MWAKUMBUKA
Ko moyo udzakhale tani Ufumu wa Mulungu ukadzayamba kutonga?
Baibolo yichadawira m’bvunzo moyu pa SALIMO 37:29 na YESAYA 65:21-23.
Panango mungakondepomwe kudziwa ivi
NTSANJA YA ULONDA
Ko Ufumu wa Mulungu udzachite chani?
Yesu angadziwa kuti Ufumu wa Mulungu ndiyo yokha boma yomwe idzamalise mabvuto ya wanthu padziko yapasi. Ko Ufumu moyu udachitako kale chani chotitsimikizira kuti vomwe vidapolomisiwa kutsogolo vidzachitikedi?
NDISE MBANI
Ndawa yanyi tichadekana kupfunzira Baibolo?
Baibolo inkudawira mibvunzo ya wanthu azinji padziko yose yapasi. Ko imwepo muchada kukhala mugulu ya wanthu mwawa?
