Ko chintsintsi cha banja yakukondwa nchani?
Ko muchati . . .
-
ni chikondi?
-
ni mali?
-
ni vinthu vinango?
BAIBOLO YICHATI:
‘Wakukondwa ni wale akubva mawu ya Mulungu na kuyaphatisa basa!’ — Luka 11:28, Baibulo la Dziko Latsopano.
PHINDU YA KUDZIWA VIMWEVI
Vingakubatsireni kuti m’banja mwanu mukhale chikondi chayicho. — Aefeso 5:28, 29.
Vingakubatsireni kuti mumbalemekezane. — Aefeso 5:33.
Vingakubatsireni kukhala wakubverana. — Maliko 10:6-9.
KO TINGAKHULUPIRIREDI VAYICHASEWERA BAIBOLO?
Inde, ndawa ya vinthu viwiri ivi:
-
Mulungu ndiye adayambisa banja. Baibolo yichati banja iliyose ichadekana kudziwika kwa Mulungu. (Aefeso 3:14, 15) Kulewa kunango tingati mabanja yalipo ndawa Yahova ndiye adayayambisa. Ndawa chani tichadekana kudziwa mwevi?
Ganizani ivi: Yimwepo mwalawidza chakudya chabwino, ndipo muchada kudziwa mwachaphikira. Ko mungabvunze mbani? Munthu wachiphika.
Vibodzi-bodzimbo na banja, kuti mukhale wakukondwa m’banja, muchadikana kutewedza malango ya Mulungu yemwe adayiyambisa. — Genesis 2:18-24.
-
Mulungu achakuwelengerani yimwepo. Malango yabwino yomwe mabanja yangagumane yali m’Baibolo. Ndawa yanyi? Ndawa malango mwaya yachachokera kwa Yahova, ndipo ‘iye achakuwerengerani yimwepo.’ (1 Petulo 5:6, 7) Yahova achada kuti tikhale na moyo wabwino, ndipo malango yake yachaphata basa nthawe zose! — Miyambo 3:5, 6; Yesaya 48:17, 18.
YAMBANI MWAKUMBUKA
Ko mungatani kuti mukhale mwamuna, nkazi panango abereki wabwino?
Baibolo yichadawira mbvunzo moyu pa AEFESO 5:1, 2 na AKOLOSE 3:18-21.
Panango mungakondepomwe kudziwa ivi
NDISE MBANI
Ndawa yanyi tichadekana kupfunzira Baibolo?
Baibolo inkudawira mibvunzo ya wanthu azinji padziko yose yapasi. Ko imwepo muchada kukhala mugulu ya wanthu mwawa?
NDISE MBANI
Kumbirani kuti adzakuzungireni
Kambiranani mibvunzo ya m’Baibolo, panango pfunzirani vizinji pankhani ya Mboni za Yahova.
