Ko wakufa wachadzakhala sondi na moyo?
Ko muchati . . .
-
inde?
-
neye?
-
panango?
BAIBOLO YICHATI:
“Pachadzakhala kumusiwa.” — Machitidwe 24:15, Baibulo la Dziko Latsopano.
PHINDU YA KUDZIWA VIMWEVI
Lonjezo limweli lingakuthandizeni . . .
kukhazika moyo pasi mukaferewa. — 2 Akorinto 1:3, 4.
vingakuthandizeni kuti muleke kugopa imfa. — Aheberi 2:15.
vingakuthandizeni kukhala na chidikiro chakudzagumana pomwe na abale pabodzi na achamwali wanu omwe adafa. — Yohane 5:28, 29.
KO TINGAKHULUPIRIREDI VAYICHASEWERA BAIBOLO?
Inde, ndawa ya vinthu vitatu ivi:
-
Mulungu ndiye adalenga moyo: Baibolo yichati Yahova Mulungu ni “ntsatsa ya moyo.” (Salimo 36:9; Machitidwe 17:24, 25) Peno iye adapasa moyo vose vadalenga angataze lini kuupereka pomwe kwa omwe adafa.
-
Mulungu adamukisa kale wakufa: Baibolo yichakamba za wanthu asere, akume na achembere wa misinkhu yakusiyanasiyana, omwe adamukisiwa kuti akhale pomwe na moyo pa dziko. Anango enze andofa tsontsono, tsono munango adamala ntsiku zinayi m’manda! — Yohane 11:39-44.
-
Mulungu achadetsetsa kuchita pomwe vimwevi: Yahova achazonda imfa, kwa iye imfa ni n’zondi wake. (1 Akorinto 15:26) Iye anashungu yakumalisa n’zondi moyu; iye adzachita vimwevi pakumukisa wakufa. Wale omwe adafa iye ankuwakumbukira. Ndipo anashungu ya kudzawawona pomwe ana moyo pasi pano. — Yobu 14:14, 15.
YAMBANI MWAKUMBUKA
Ndawa chani tichakalamba na kufa?
Baibolo yichadayira m’bvunzo moyu pa GENESIS 3:17-19 na AROMA 5:12.