Ndawa yakubvera satana Hava adadya chipaso. Ndipo adamupasambo mwamuna wake Adamu, iye adadya.

Vomwe iwo adachita venze voyipa, ndipo yenze chimo. Pamwapo Mulungu adawathamangisa m’munda wa Edeni.

Kuchokera pamwapo moyo udakhala woshupa kwa iwo na wana wawo. Iwo adakalamba achifa. Alibe kuyenda kudziko yamizimu, koma alibe kukhala soti na moyo.

Ise tichafa ndawa tidachokera kwa Adamu na Hava. Munthu akafa achabvalini, achawonalini, olo kuchita chinthu. — Mlaliki 9:5, 10.

Yahova angadalini kuti wanthu ise timbafe. Tsontsono, iye adzamuse wanthu wose womwe adafa kukhala soti na moyo. Iwo akadzabvera Mulungu adzakhale na moyo mpakana kalekale.