MBALI 3
Ko moyo mu paradaiso wenze tani?
Yahova adapereka vinthu vizinji kwa Adamu na Hava. Genesis 1:28
Yahova adakonza nchembere wakuyamba, Hava, ndipo adamupereka kwa Adamu kuti akhale nkazi wake. — Genesis 2:21, 22.
Yahova adawakonza na nzeru na thupi yakulungamiratu, ilibe chilema.
Muyi wawo wakukomedza wenze munda wa Edeni. Yenze malo yabwino maninge, ndipo munda moyu wenze m’mbali mwa madzi, mweze miti ya vipaso, na vinyama.
Yahova angasewera nawo na kuwapfunzisa. Sembe iwo adabvera angadakhala m’paradaiso padziko yapasi mpakana kalekale.
Mulungu adawawuza kuti, ayi kudya chipaso cha muti ubodzi. Genesis 2:16, 17
Yahova adalatiza Adamu na Hava muti wa mu Edeni ndipo adawauza kuti mukadzadya vipaso vake mudzafe.
M’bodzi wa angelo adamupandukira Mulungu. Ndipo m’ngelo wakuyipa moyu ni Satana Ndyerekezi.
Satana angadalini kuti Adamu na Hava ambabvere Mulungu. Ndipomwapo iye adaphatisira basa nyoka kuti anamize Hava kuti olo adye chipaso chakulambiziwa adakafalini koma adakalingana na Mulungu. Mweyi yenze bodza. — Genesis 3:1-5.
