MAWU YAKUMAPETO C
Momwe mungachitisire pfunziro ya Baibolo pophatisira basa bukhu yakuti Kondwani na moyo mpaka kalekale!
Abale adapemphera na kufufuza maninge kuti akonze bukhu yakuti Kondwani na moyo mpaka kalekale! Ndipomwapa, kuti muphindule mwakukwana na bukhu mweyi, phatisirani basa njira izi pakuchitisa pfunziro ya Baibolo.
Mukanati kuyamba pfunziro
-
1. Mbakonzekerani mwakukwana. Ndipo pakukonzekera ganizirani vosowa, vomwe vinkumuchitikira wophunzira wanu, na momwe achawonera vinthu. Yesesani kuganizira maninge mpfundo zomwe angafunikire kuthandiziwa kuti azibvese panango kuzitewedza. Wonani momwe mbali yakuti “Kuti mudziwe vizinji” ingathandizire pfunziro yanu ndipo mbaphatisirani basa mbali mwiyi nkati mwa pfunziro.
Mukambachitisa pfunziro
-
2. Mbachitani pemphero mukanati mwayamba na mukamaliza pfunziro peno wopfunzira angabvume.
-
3. Mbasamalani kuti ayi kuti mumbayankhule vinthu vizinji. Koma mbandofotokozani vomwe nkhaniyo inkunena ndipo mbamusiyani wopfunzira kumasuka kufotokoza vomwe ankuganiza.
-
4. Mukambayamba chigawo, werengani mawu yakuti cholinga ndipo tomolankoni yanango mwa misolo yomwe yali mu chigawo mwicho.
-
5. Mukambamaliza chigawo, phatisirani basa mbali yakuti kubwerezera chigawo kuti muthandize pfunziro yanu kukumbukira vinthu vawapfunzira.
-
6. Pomwe munkupfunzira msolo uliwose na pfunziro yanu:
-
Mbawerengani ndime.
-
Werengani malemba yose yomwe yanembewa kuti “Lewengani.”
-
Werengani malemba yanango yosaphatiwa mawu peno munkuwona kuti viri bwino.
-
Nyang’anirani mavidiyo yose yomwe yabwera kuti “Wonesani” (peno muli nayo).
-
Mbamupasani mibvunzo wopfunzira wanu.
-
Mukumbireni wopfunzira wanu kuti anyang’anire mavidiyo yomwe yali pa mbali yakuti “Pfunzirani vizinji” ndipo patsogolo pake bvunzani mibvunzo yali mwapo kuti wopfunzira afotokoze vomwe wawona.
-
Phatisirani basa mbali yakuti “Vati nichite” kuti muwone momwe wopfunzira wanu ankupitira patsogolo. Mungamulimbikise kuphatisira basa chitsanzo chomwe chiripo kale panango chinango chomwe angakhale nacho, olo ayi vose viwiri.
-
Mubvunzeni wopfunzira wanu peno adakomedzewako na vidiyo panango nkhani zomwe ziri pa mbali yakuti “Kuti mudziwe vizinji” pomwe angakonzekera pfunziro.
-
Yesesani kupfunzira msolo uliwose pachigawo chilichose.
-
Mukamaliza pfunziro
-
7. Pitirizani kumuganizira wopfunzira wanu. Mukumbireni Yahova kuti adalise kupita patsogolo kwake nakuti akuthandizeni imwepo kudziwa momwe mungamuthandizire.
