KUYAMBISA MACHEZA
MSOLO 5
Kuyankhula bwino
Mpfundo: ‘Nthawe zose mawu yanu yambakhale yabwino.’—Akol. 4:6.
Vomwe Paulo adachita
1. Nyang’anirani VIDIYO, panango werengani Machitidwe 17:22, 23. Patsogolo pake ganizirani mibvunzo aya:
-
Ko Paulo ambabva tani akawona miyambo yachipembedzo yomwe yambachitika ku Atene?—Onani Machitidwe 17:16.
-
M’malo mwa kuwaweruza wanthu wa ku Atene, ko Paulo adaphatisira tani basa mphaso yoyankhula pa vomwe wanthu wale ambakhulupirira kuti awalalikire ntontholo wabwino?
Ko tinkupfunzira chani kwa Paulo?
2. Wanthu angatibvesere peno tasankhula bwino vomwe tinkufuna kunena, momwe tingavinenere na nthawe yomwe tingavinene.
Tewedzerani Paulo
3. Sankhulani mawu yabwino. Mwakulinganiza, peno munkuyankhula na munthu yemwe ni Mkhrisitulini, imwepo mungafunike kuchinja pa momwe muchatomolera Baibolo panango mwamuchatomolera Yesu.
4. Ayi kumbakulumiza kutsumula munthu. Musiyeni ayankhule momasuka. Peno iye ankufotokoza vinthu vomwe vinkusiyana na vomwe Baibolo ipfunzisa, ayi kumugwata mawu panango kumbamutsutsa akandoyankhula. (Yak. 1:19) Mukambamubvesera, mudzadziwe vomwe achakhulupirira na ndawa yake avikhulupirira.—Miy. 20:5.
5. Mumbabverane na wanthu na kuwatembeja peno ni vokwanisika. Iye angakhale wotsimikiza kuti vomwe achakhulupirira ni chaivo. Muuzeni poyamba mpfundo zomwe munkubverana nazo, basi patsogolo pake muthandizeni kubvesa pang’onopang’ono vomwe Baibolo ichapfunzisa.
ONANI POMWE
Miy. 25:15; 2 Tim. 2:23-26; 1 Pet. 3:15
