MSOLO 01
Ko Baibolo ingakuthandizeni tani?
Tose tinamibvunzo yolewa va moyo, kubonera, impfa nakuti nchani chidzachitike kutsogolo. Tichakhala soti na nkhawa na vochitika va ntsiku na ntsiku, momwe tingagumanire vofunika pamoyo na momwe tingakhalire na banja yokondwa. Wanthu azinji adazindikira kuti Baibolo ichadawira mibvunzo yazinji yakudikana pamoyo. Kuyingizira mwapa, iyo inamalangizo yabwino ya momwe tingakhalire na moyo wokondwa. Ko munkuganiza kuti Baibolo ingathandize wanthu womwe imwepo muchawadziwa?
1. Ko ni mibvunzo yaponi yomwe Baibolo ichadawira?
Baibolo ichadawira mibvunzo yakudikana aya: Ko moyo udayamba tani? Ko cholinga cha moyo nchani? Ndawa chani wanthu achabonera? Nchani chichachitika munthu akafa? Pakuti aliyese achada kukhala pantendere, ndawa chani padziko pankuchitika nkhondo? Nchani chidzachitikire dziko kutsogolo? Nkuphonyalini kubvunza mibvunzo mwaya. Wanthu mamidyau yazinji azindikira kuti midawiro ya m’Baibolo ni yobveka bwino.
2. Ko Baibolo ingatithandize tani kukhala wokondwa ntsiku iliyose?
Baibolo ichatipasa malangizo yabwino. Mwakulinganiza, ichatithandiza kuti tikhaledi okondwa chaivo. Ichatifotokozera momwe tingagwebanirane na nkhawa na momwe tingakondwere na basa yathu. Bukhu mweyi ikuthandizeni kuti mupfunzire nkhani mwaizi na vinango vizinji. Ndipo panango mudzafike pakudawikiza kuti ‘Malemba yose [panango kuti Baibolo yose] ni . . . yophindulisa.’—2 Timoteyo 3:16.
Kabukhu mwaka kankungenalini m’malo mwa Baibolo neye. Koma kakundokulimbikisani kuti muidziwe bwino Baibolo. Ndipomwapa, chitani vose vamungakwanise kuti mulewenge malemba yomwe yali mu pfunziro iliyose ndipo linganizani vomwe Baibolo inkufotokoza na vomwe imwepo munkupfunzira.
PFUNZIRANI VIZINJI
Wonani momwe Baibolo inkuthandizira wanthu, momwe imwepo mungakondere kulewenga Baibolo nakuti ndawa chani tichadekana kuthandiziwa kuti tiyibvese.
3. Baibolo ingatitsogolere
Baibolo ili ninge luju yogaka maninge. Iyo ingatithandize kusalula bwino ndipo ichaleweratu vomwe vidzachitike kutsogolo.
Lewengani Salimo 119:105, ndipo kambiranani mibvunzo aya:
-
Ko adanemba Salimo mweyi, angaiwona tani Baibolo?
-
Ko imwepo munkuiwona tani Baibolo?
4. Baibolo ingadawire mibvunzo yathu
Wonani momwe Baibolo idathandizira nkazi munango kugumana midawiro ya mibvunzo yomwe adakhala nayo kwa magole yazinji. Wonesani VIDIYO, ndipo patsogolo pake kambiranani mibvunzo aya.
-
Ko ni mibvunzo yaponi yomwe nkazi wa muvidiyo wenze nayo?
-
Ko kupfunzira Baibolo kudamuthandiza tani?
Baibolo ichatilimbikisa kufagafaga midawiro ya mibvunzo yathu. Lewengani Mateyu 7:7, ndipo kambiranani mbvunzo uyu:
-
Ko ni mibvunzo yaponi yomwe munkufuna kuti Baibolo ikudawireni?
5. Imwepo mungakomedzewe na kulewenga Baibolo
Wanthu azinji achada kulewenga Baibolo, ndipo vimwevi vinkukhala vothandiza kwa iwo. Wonesani VIDIYO, ndipo patsogolo pake kambiranani mibvunzo aya.
-
Ndawa chani alumbwana wa muvidiyo ambakondalini kulewenga?
-
Koma ndawa chani iwo manje achakonda kulewenga Baibolo?
Mawu ya m’Baibolo yachatikhazika moyo pasi na kutipasa chidikhiro. Lewengani Aroma 15:4, ndipo patsogolo pake kambiranani mbvunzo uyu:
-
Ko chilimbikiso na chidikhiro chogumanika m’Baibolo chakupasani chidwi?
6. Anango angakuthandizeni kubvesesa Baibolo
Kuingizira pa kulewenga Baibolo okha, azinji azindikira kuti kucheza na anango va Baibolo ni kothandiza. Lewengani Machitidwe 8:26-31, ndipo patsogolo pake kambiranani mbvunzo uyu:
-
Ko tingachite tani kuti tiyibvese Baibolo?—Wonani vesi 30 na 31.
Mu bukhu ya Machitidwe, mwamuna munango adafuna thandizo kuti abvese Malemba. Wanthu azinji ntsiku zino ankuwonambo kuti nivothandiza kucheza na anango va Baibolo
WANTHU ANANGO ACHATI: ‘Kupfunzira Baibolo nkundotaya nthawe.’
-
Ko imwepo mungati chani? Ndipo ndawa chani?
CHIGWATO
Baibolo ichapereka malangizo ya ntsiku na ntsiku, ichadawira mibvunzo yodekana maninge ndipo ichatikhazika moyo pasi na kutipasa chidikhiro.
Kubwerezera
-
Ko Baibolo ichapereka malangizo pankhani ziponi?
-
Ko nimibvunzo yanango yaponi yomwe Baibolo ichadawira?
-
Ko munkufuna kupfunzirako chani mu Baibolo?
KUTI MUDZIWE VIZINJI
Wonani momwe malangizo ya m’Baibolo yaliri yothandizira ntsiku zino.
‘Malangizo ya m’Baibolo yamalalini basa’ (Nsanja ya Olonda Na. 1 2018)
Wonani momwe Baibolo idathandizira mwamuna munango yemwe ambalimbana na maganizo yakudziwona kuti alibe na basa kuchokera ali mwana.
Gumanani malangizo ya m’Baibolo ya momwe mungakhalire na banja yokondwa.
‘Vintsintsi 12 kuti banja ikhale yokondwa’ (Galamukani! Na. 2 2018)
Azinji achati Mulungu ndiye ankutonga dziko. Ko nishuwadi? Wonani vomwe Baibolo ichanena.
Ndawa yanyi tichadekana kupfunzira Baibolo?—Vidiyo yantero (3:14)
