MSOLO 05
Baibolo ni mawu ya Mulungu kwa ise
Yahova adatipasa mphaso yabwino maninge yomwe ni Baibolo. Mphaso mweyi yachokera m’mabukhu yang’onoyang’ono yokwana 66. Panango mungadzibvunze kuti: ‘Ko Baibolo idachokera kuponi? Ko Baibolo ichafotokoza maganizo ya mbani?’ Kuti tidawire mibvunzo mwaya naboni tiidziwe momwe Baibolo idafikira kwa ise.
1. Peno Baibolo idanembewa na wanthu, ndawa chani tinkulewa kuti ni mawu yochokera kwa Mulungu?
Baibolo idanembewa na amuna wokwana 40 kwa magole yokwana 1600. Bukhu yoyambirira idanembewa mu gole ya 1513 Yesu akanati wabwera. Bukhu yomalizira idanembewa mu gole ya 98 Yesu wabwererakale kudzulu. Pa wonemba mwawa, penze anyakabusa, wakupha ntsomba na mafumu, vimwevi vinkuwonesa kuti enze wanthu wosiyana. Podiya viliteno, mbali zose za Baibolo nizobverana. Ndawa chani vilitene? Ndawa yakuti ni Mawu yochokera kwa Mulungu. (Lewengani 1 Atesalonika 2:13.) Amuna wale alibe kunemba maganizo yawo, m’malo mwake, iwo ‘adafotokoza mawu yochokera kwa Mulungu motsogolerewa na mzimu wakuchena.’ a (2 Petulo 1:21) Pakuphatisa basa mzimu wakuchena, adachitisa amuna wale kunemba maganizo ya Yahova.—2 Timoteyo 3:16.
2. Ko mbani ankuphindula na Baibolo?
Mulungu adakonza Baibolo kuti ‘wanthu wa ntundu uliwose, chikhalidwe chilichose na chiseweredwe’ kuti aphindule. (Lewengani Chivumbulutso 14:6.) Ndipomwapa, Mulungu adachitisa kuti Baibolo igumanike muvisiweredwe vizinji kuposha bukhu iliyose. Pafupifupi wanthu wose angalewenge ntontholo wabwino wa m’Baibolo vilibebasa komwe wanthu achakhala panango chiseredwe.
3. Ko Yahova adaiteteza tani Baibolo?
Baibolo idagumana na mabvuto yanango, koma Yahova alibe kubvuma kuti chinthu chilichose olo munthu akangise kuti tibve mawu yake. Bvuto ibodzi yenze yakuti Baibolo idanembewa na vinthu vomwe vichadzongeka. Manje ko Baibolo idakwanisa tani kufika mpaka pano? Mwevi vidachitika ndawa ya amuna womwe ambakonda Baibolo ndipo ambaikopera mosamala maninge Mawu ya Mulungu. Bvuto inango yenze yakuti wanthu anango ambayesesa kuti aidzonge Baibolo. Koma Yahova adateteza Mawu yake. Nthawe zose pambagumanika wanthu womwe ambabvuma kuikha moyo wawo pangozi kuti ateteze Baibolo. Vimwevi vinkutsimikizira mpfundo yakuti: ‘Mawu ya Mulungu wathu yadzakhalepo mpakana kale-kale.’ —Yesaya 40:8.
PFUNZIRANI VIZINJI
Pfunzirani momwe Mulungu adachitisira amuna kunemba Baibolo, momwe iye adaitetezera na vomwe adachita kuti wanthu wose akwanise kuilewenga.
4. Baibolo ichafotokoza kuti munikachiro wayene ni mbani
Wonesani VIDIYO. Patsogolo pake lewengani 2 Timoteyo 3:16, ndipo kambiranani mibvunzo aya:
-
Peno Baibolo idanembewa na wanthu, ndawa chani ichachemerewa kuti ni Mawu ya Mulungu?
-
Ko munkuwona kuti nivodekana kukhulupirira kuti Mulungu adachitisa kuti amuna anembe maganizo yake padziko yapasi?
Wonemba kalata anganembe vomwe bwana wake wamuwuza, koma nkhani ni ya bwana. Nchibodzibodzimbo, wanthu adanemba Baibolo koma mawu yake yadachokera kwa Mulungu
5. Baibolo idapulumuka ku mabvuto yazinji
Peno Baibolo ni Mawu yochokera kwa Mulungu, mosakaika iye angaiteteze. Iyo idagumana na mabvuto yazinji. Wanthu azinji adayesesa kuti adzonge Mawu ya Mulungu. Atsogoleri wa chipembedzo angadalini kuti wanthu ambalewenge Baibolo. Podiya venze tene, wanthu azinji adaikha moyo wawo pangozi kuti aiteteze. Naboni tidziweko munthu m’bodzi. Wonesani VIDIYO, ndipo kambiranani mibvunzo aya:
-
Ko imwepo muchakhala na shungu na kulewenga Baibolo ndawa ya vose vamwabva va momwe wanthu adatetezera Baibolo? Ndawa chani?
Lewengani Salimo 119:97, ndipo kambiranani mbvunzo uyu:
-
Ndawa chani wanthu anago adaikha moyo wawo pangozi na cholinga chakuti atsumbudzulire na kugawira Baibolo?
6. Bukhu ya wanthu wose
Baibolo ni bukhu yomwe ichatsumbudzuliriwa na kugawiriwa kuposha bukhu iliyose. Lewengani Machitidwe 10:34, 35, ndipo kambiranani mibvunzo aya:
-
Ndawa chani Mulungu achada kuti Mawu yake yatsumbudzuliriwe na kuperekewa muviseweredwe vizinji?
-
Ko nchani chikukuchitisani chidwi na Baibolo?
Pafupifupi
wanthu wose
padziko yapasi
angalewenge Baibolo mu chiseweredwe chomwe iwo achachidziwa
Inkugumanika kujula
3000
viseweredwe
Baibolo yantero panango mbali yake
5 000 000 000
Imweyi ni namba ya mabaibolo yomwe yadadindiwa,
ndipo ichaposha bukhu iliyose
WANTHU ANANGO ACHATI: ‘Baibolo ni bukhumbo yakalekale yonembewa na wanthu.’
-
Ko imwepo munkuganiza tani?
-
Ko nchani chichakutsimikizirani kuti Baibolo ni Mawu ya Mulungu?
CHIGWATO
Baibolo ni Mawu ya Mulungu, ndipo iye adachita vose kuti igumanike kwa wanthu wose.
Kubwerezera
-
Baibolo ikambati Mulungu adaphatisira basa amuna kuti ainembe, ko vichathandauza chani?
-
Ko nchani chichakuchitisani chidwi mukambawona momwe Baibolo inkutsumbudzuliriwa, kugawiriwa na momwe idapulumukira ku vinthu vizinji?
-
Ko muchabva tani mukaganiza vose vomwe Mulungu adachita pakukupasani Mawu yake kuti mumbayankhule naye?
KUTI MUDZIWE VIZINJI
Lewengani nkhani za m’Baibolo kuchokera m’mipukuto yakale mpakana votsumbudzulira va ntsiku zino.
‘Ko Baibolo idafika tani kwa ise’ (Galamukani!, Novembro 2007)
Wonani momwe Baibolo idapulumukira ku vochitika vikulu-vikulu vitatu.
‘Mbiri ya kupulumuka kwa Baibolo’ (Nsanja ya Olonda Na. 4 2016)
Wonani mabvuto yomwe wanthu adagumana nayo kuti atsumbudzulire Baibolo.
Baibolo adaikopera na kuitsumbudzulira kazinji. Ko imwepo mungatsimikize tani kuti mawu yake yalibe kuchinja?
a Mupfunziro 7 tidzampfunzire kuti mzimu wakuchena ni mphanvu yomwe Mulungu achaphatuisa basa pakukwanilisa chakulinga chake.
