MSOLO 06
Ko moyo udayamba tani?
‘Mulungu ni ntsantsa ya moyo.’ (Salimo 36:9) Ko muchakhulupirira vimwevi? Wanthu anango achakhulupiriralini kuti Mulungu ndiye adasika moyo. Peno vimwevi ni shuwadi ndiye kuti moyo wathu udandokhalapo ulibe cholinga. Koma peno ni Yahova yemwe adasika moyo ndiye kuti unacholinga, nanilini? a Naboni tiwone vomwe Baibolo ichanena va momwe moyo udayambira. Ndipo tiwonepomwe ndawa yake tichakhulupirira vimwevi.
1. Ko chilengedwe chidayamba tani?
Baibolo ichati: ‘Pakuyamba Mulungu adasika kudzulu na dziko yapasi.’ (Genesis 1:1) Wasayantsi azinji achatsimikiza kuti chilengedwe chenze na chiyambi. Manje ko chilengedwe chidayamba tani? Mulungu adaphatisa basa mphanvu zake, panango kuti mzimu wakuchena kuti asike vose mu chilengedwe vomwe vinkuphatanidzapo milalang’amba, nyenyezi na mapalaneta.—Genesis 1:2.
2. Ndawa chani Mulungu adasika dziko?
Yahova ‘alibe kusika dziko alibe cholinga, koma kuti imbakhaliwe.’ (Yesaya 45:18) Mulungu adasika dziko na chakulinga, iye angada kuti dziko yose ikhale malo yabwino yokhalapo wanthu mpakana kale-kale. (Lewengani Yesaya 40:28; 42:5.) Wasayantsi achakhulupirira kuti dziko ni malo yabwino maninge ndipo ni yosiyana na mapalaneta yanango. Iwo alibe kuigumana palaneta inango yomwe inavose kuti ingakhaliwe.
3. Nchani chichasiyanisa wanthu na vinyama?
Padasika dziko, Mulungu adadzasika mapalaneta na vinyama. Patsogolo pake ‘Mulungu adasika munthu muchifaniziro chake.’ (Lewengani Genesis 1:27.) Ko nchani chichachitisa wanthu kukhala wapadera? Pakuti tidasikiwa muchifaniziro cha Mulungu, mwevi vinkuthandauza kuti tingakwanise kutewedzera makhalidwe yake ninge chikondi na chilungamo. Mulungu adatisika pomwe na nzeru zokwanisa kupfunzira chiseweredwe na kukondwa na vinthu ninge nyimbo. Mosiyana na vinyama, isepano tingakwanise kumutumikira Mulengi.
PFUNZIRANI VIZINJI
Naboni tiwone vinthu vomwe vinkuwonesa kuti moyo udachita kusikiwa, vomwe vinkuwonesa kuti Baibolo ikambanena va kusikiwa kwa dziko ni yachilungamo na vomwe tingapfunzire kwa Mulungu pakuwona makhalidwe yomwe wanthu anayo.
4. Moyo udachita kusikiwa
Wanthu achatembejewa akakonza chinthu pakutewedzera chomwe chirikale muchilengedwe. Ko nivosabveka kuti yemwe adasika chilengedwe chose achadekana kutembejewa maninge? Wonesani VIDIYO, patsogolo pake kambiranani mbvunzo uyu.
-
Ko nchani chomwe wanthu adakopera ku chilengedwe?
Nyumba iliyose idamangiwa na munthu. Koma ko ni mbani adasika vinthu vose muchilengedwe? Lewengani Aheberi 3:4, ndipo kambiranani mibvunzo aya:
-
Chilengedwe chili dzale na vinthu vomwe vidasikiwa bwino. Nchani chichakuchitisani chidwi muchilengedwe?
-
Ko munkuwona kuti ni vobveka kunena kuti vinthu vose va nchilengedwe vidasikiwa na munthu munango? Ndawa chani munkuwona tene?
Ko munkudziwa?
Imwepo mungagumane nkhani zinango na mavidiyo vofotokoza va nkhani mweyi pa jw.org pa mbali yakuti “‘Kodi zinachita kulengedwa?’” na yakuti “‘Kodi moyo unayamba bwanji?’.”
‘Nyumba iliyose idamangiwa na munthu. Koma adasika vinthu vose ni Mulungu’
5. Vomwe Baibolo ichanena pankhani ya chilengedwe ni vobveka
Genesis msolo wa 1, Baibolo ichanena va kusikiwa kwa dziko yapasi na moyo. Ko imwepo munkuwona kuti ni vodekana kukhulupirira vimwevi, panango munkuwona kuti ni vamumsolo basi? Wonesani VIDIYO, patsogolo pake kambiranani mibvunzo aya.
-
Ko Baibolo ichapfunzisa kuti dziko idasikiwa kwa ntsiku 6 za maola 24?
-
Ko imwepo muchawona kuti vomwe Baibolo ichanena pankhani yachilengedwe ni vobveka? Ndawa chani munkuganiza tene?
Lewengani Genesis 1:1, ndipo patsogolo pake kambiranani mbvunzo uyu:
-
Wasayantsi achati chilengedwe chidachita kuyamba. Ko vimwevi vinkubverana tani na vomwe mwalewenga m’Baibolo?
Wanthu anango achati Mulungu adaphatisira basa kuchinja kuti asike moyo. Kwa iwo, Mulungu adasika selula ibodzi kuti ikonze makhaindi yazinji ya moyo. Lewengani Genesis 1:21, 25, 27, ndipo patsogolo pake kambiranani mibvunzo aya:
-
Ko Baibolo ichapfunzisa kuti Mulungu adaphatisira basa kuchinja kuti akonze ntsomba, vinyama vinango na wanthu? Panango iye adasika vinthu vose vamoyo mobverana na ‘ntundu’ wake? b
6. Wanthu ni volengewa vapadera va Mulungu
Ndise wosiyana na vinyama vomwe Yahova adasika. Lewengani Genesis 1:26, ndipo kambiranani mibvunzo aya:
-
Wanthu achakwanisa kuwonesa chikondi na chifundo. Ndawa chani? Ndawa yakuti tidasikiwa muchifaniziro cha Mulungu. Ko vimwevi vinkutipfunzisa chani pa khalidwe ya Yahova?
WANTHU ANANGO ACHATI: ‘Vomwe Baibolo ichasimba pankhani ya chilengedwe ni yabodza. Ni nkhanimbo yakundokonza.’
-
Ko munkubverana navo vimwevi? Ndawa chani?
CHIGWATO
Yahova adasika chilengedwe na vamoyo vose.
Kubwerezera
-
Ko Baibolo ichapfunzisa kuti chilengedwe chidayamba tani?
-
Ko Yahova adaphatisira basa kuchinja kuti akonze makhaindi ya vamoyo vose, panango adachita kusika?
-
Nchani chichachitisa wanthu kukhala wapadera?
KUTI MUDZIWE VIZINJI
Onani vitsanzo va muchilengedwe vomwe vinkuwonesa kuti alipo yemwe adavisika.
‘Ko chilengedwe chichatipfunzisa chani?’ (Galamukani!, Setembro 2006)
Onani momwe azibereki angapfunzisire wana wawo na chilengedwe akali adiki-adiki.
Onani peno vingakwanisike kukhulupirira va kuchinja na kusikiwa panthawe ibodzibodzi.
‘Ko Mulungu adaphatisira basa kuchinja kuti asike vamoyo vose?’ (Nkhani ya pa intaneti)
Anango achati vonembewa na voyeserera va wasayantsi vichathandiza kubvesa nkhani ya kuchinja, koma ko vimwevi nchaivodi?
a Mu pfunziro 25 tidzawone cholinga cha Mulungu kwa wanthu.
b M’Baibolo, mawu yakuti ‘ntundu’ yachathandauza gulu ikulu ya vamoyo.
