MSOLO 18
Ko tingawadziwe tani Akhrisitu chaiwo?
Mabiliyoni yazinji ya wanthu yachalewa kuti ni Akhrisitu. Koma ni woselini womwe achakhulupirira vipfunziso volingana panango womwe achatewedza vipfunziso vibodzi. Manje ko tingawadziwe tani Akhrisitu chaiwo?
1. Ko kukhala Nkhrisitu ni chani?
Nkhrisitu ni wotewera panango kuti wopfunzira wa Yesu Khrisitu. (Lewengani Machitidwe 11:26.) Ko ni chani chichawonesa kuti munthu ni wopfunziradi wa Yesu? Yesu adalewa kuti: ‘Mukambasunga mawu yangu nthawe zose ndiye kuti ndimwedi wopfunzira wangu.’ (Yohane 8:31) Vimwevi vinkutanthauza kuti Nkhrisitu chaiye achadekana kubvera vomwe Yesu adapfunzisa. Vose vomwe angapfunzisa na kuchita venze vobverana na Mawu ya Mulungu, mobverana na vimwevi vose vomwe Akhrisitu chaiwo anganene na kuchita vichadekana kukhala vobverana na Baibolo.—Lewengani Luka 24:27.
2. Ko Akhrisitu chaiwo achawonesa tani chikondi?
Yesu adauza otewera wake kuti: ‘Mumbakondane ninge momwe inepano nakukonderani.’ (Yohane 15:12) Ko Yesu adawonesa tani kuti angakonda wopfunzira wake? Iye angathandiza na kulimbikisa wopfunzira wake ndipo angayesesa kumbakhala nawo pabodzi. Ndipo iye adafika pa kupereka moyo wake ndawa ya wopfunzira wake. (1 Yohane 3:16) Molingana na vimwevi, Akhrisitu chaiwo achachita vizinji osati kundoyankhula chabe va chikondi, iwo achawonesa m’mawu na vochita kuti shuwadi achakondana.
3. Ko Akhrisitu chaiwo achaphata basa iponi?
Yesu adapereka basa yodikana maninge kwa wopfunzira wake. ‘Iye adawatumiza kuti akalalikire va Ufumu wa Mulungu.’ (Luka 9:2) Koma Akhrisitu sikuti ambandolalikira malo yomwe wanthu angapempherera Mulungu. Iwo angalalikira pomwe pa malo yanango yogumanika wanthu azinji na m’manyumba mwa wanthu. (Lewengani Machitidwe 5:42; 17:17.) Ntsiku zinombo Akhrisitu chaiwo achalalikira va chonadi cha m’Baibolo, vilibe basa kuti wanthu mwawa ankugumanika kuponi, iwo achakonda wanthu. Ndipomwapa achakhala wokondwa maninge kuphatisa basa nthawe yawo na mphanvu kuti apfunzise anango ntontholo wa m’Baibolo wachidikhiro na wokhazika moyo pasi.—Maliko 12:31..
PFUNZIRANI VIZINJI
Wonani kusiyana pakati pa Akhrisitu chaiwo na wale womwe achatewedzalini vipfunziso va Yesu na chitsanzo chake.
4. Iwo achada kudziwa chonadi chomwe chili m’Baibolo
Akhrisitu awiri wa munthawe zoyambira ankulalikira wanthu m’mamiyi mwawo.
Ni woselini womwe achati ni Akhrisitu womwe achalemekeza chonadi cha m’Baibolo. Wonesani VIDIYO, ndipo patsogolo pake kambiranani mbvunzo uyu.
-
Ko matchetchi yanango yomwe yachati ni yachikhrisitu yachapfunzisa vinthu viponi vosiyana na vomwe Yesu adapfunzisa?
Yesu adapfunzisa chonadi cha m’Mawu ya Mulungu. Lewengani Yohane 18:37, ndipo patsogolo pake kambiranani mbvunzo uyu:
-
Mobverana na Yesu, ko tingawadziwe tani Akhrisitu womwe ‘ali kumbali ya chonadi’?
5. Iwo achalalikira chonadi cha m’Baibolo
Akhrisitu awiri wa munthawe zoyambira ankulalikira wanthu m’mamiyi mwawo.
Yesu akanati wabwerera kudzulu, iye adapasa basa wopfunzira wake yomwe idakapitiriza mpakana lero. Lewengani Mateyu 28:19, 20 na Machitidwe 1:8, ndipo patsogolo pake kambiranani mbvunzo uyu:
-
Ko ntontholo wabwino udakalalikiriwa chabe m’madera yochepa?
6. Iwo achachita vomwe achapfunzisa
Ko nchani chidatsimikizira munthu munango dzina yake Tom kuti wenze adagumanadi Akhrisitu chaiwo? Wonesani VIDIYO, ndipo patsogolo pake kambiranani mbvunzo uyu.
-
Mu vidiyo, ko ni chani chidachitisa Tom kuneta na matchetchi?
-
Nchani chidatsimikizira Tom kuti iye wenze adagumana chonadi?
Vochita vichaposha kundoyankhula. Lewengani Mateyu 7:21, ndipo patsogolo pake kambiranani mbvunzo uyu:
-
Ko vodikana kwa Yesu, nivile vomwe tichanena kuti tichakhulupirira, panango ni vire vomwe tichawonesa kuti tichakhulupirira mwa vochita vathu?
7. Iwo achakondana
Akhrisitu awiri wa munthawe zoyambira ankulalikira wanthu m’mamiyi mwawo.
Ko Akhrisitu chaiwo adaikhadi moyo wawo pangozi kuti apulumuse abale wawo? Wonesani VIDIYO, ndipo patsogolo pake kambiranani mibvunzo aya.
-
Mu vidiyo, ko Lloyd adaikha tani moyo wake pangozi kuti apulumuse m’bale wake Johansson?
-
Ko imwepo munkuwona kuti Lloyd adachita vinthu ninge Nkhrisitu chaiye?
Lewengani Yohane 13:34, 35, ndipo patsogolo pake kambiranani mibvunzo aya:
-
Ko wopfunzira wa Yesu (womwe ni Akhrisitu chaiwo) adakambachita tani vinthu na wanthu womwe ni wosiyana nawo makhaindi?
-
Ko iwo angakwanise kuwonesa chikondi mwechi basi pa nthawe ya nkhondo?
WANTHU ANANGO ACHATI: ‘Akhrisitu akhala ankuchita vinthu voipa, ko iwo angakhale tani chipembedzo chaicho?’
-
Ko ni lemba iponi ya m’Baibolo yomwe mungaphatisire basa yowonesa kuti Akhrisitu chaiwo achachita vizinji osati kundokhulupirira chabe Yesu?
CHIGWATO
Akhrisitu chaiwo achabvera vomwe Baibolo ichapfunzisa, achawonesana chikondi chaicho ndipo achalalikira chonadi cha m’Baibolo.
Kubwerezera
-
Vose vomwe Akhrisitu achachita na kuyankhula ni vobverana na chani?
-
Ni khalidwe iponi yomwe ichadziwikisa Akhrisitu chaiwo?
-
Ni basa iponi yomwe Akhrisitu chaiwo achachita?
KUTI MUDZIWE VIZINJI
Yesayesani kupfunzira va wanthu womwe achachita khama kutewedza chitsanzo cha Yesu na vomwe iye adapfunzisa.
Wonani vomwe vidachitikira munthu munango wolima ‘kugumana banja yauzimu’.
‘Ambaphatisira basa Baibolo pakudawira mbvunzo uliwose’ (Nsanja ya Olonda, 1 Abril, 2014)
Wonani momwe Akhrisitu chaiwo achawonesera chikondi kwa abale wawo womwe ankufunikira thandizo.
Kuthandiza abale womwe agwerewa ngozi za mwadzidzidzi—Mbali yake (3:57)
Wonani momwe Akhrisitu woyambirira na Akhrisitu wa ntsiku zino achatewedzerera vomwe Yesu adanena kuti vidzadziwikise ateweri wake chaiwo.
‘Wanthu wose womwe achati ni Akhrisitu ko ni Akhrisitudi?’ (Nsanja ya Olonda, 1 Março, 2012)
