Impfa ichachitisa kuti wanthu akhale na chisoni chikulu. Ndipomwapa Baibolo ichachemera kuti impfa ni mzondi. (1 Akorinto 15:26) Mu msolo 27, imwepo mudapfunzira kuti Yahova adzagonjese mzondi moyu. Manje ko ni chani chomwe chidzachitike kwa wanthu womwe adafa kale? Mu pfunziro ino mupfunzire vizinji volewa va mapolomisi yanango yabwino ya Yahova. Iye adzamukise mabiliyoni yazinji ya wanthu kuti adzakhale na moyo mpaka kalekale. Iye adzawamukise! Ko vimwevi vingadzachitikedi? Ko iwo adzamukisiwe kuti akhale padziko yapasi panango kudzulu?

1. Ko ni chani chomwe Yahova achada kuchita kwa wokondewa wathu womwe adafa?

Yahova anashungu yobweresa wanthu adafa kuti akhale pomwe na moyo. Mwamuna munango wachikhulupiriro dzina yake Yobu wenze na chikhulupiriro chose chakuti Mulungu adzamuyebwelini iye akadzafa. Iye adalewa ivi kwa Mulungu: ‘Imwepo mudzachemere ndipo ine nidzakudawireni [kuchokera m’manda].’—Lewenagni Yobu 14:13-15.

2. Ko tinkudziwa tani kuti wakufa adzamukisiwe?

Pomwe Yesu wenze pano padziko yapasi Yahova adamupasa mphanvu zomukisa wanthu. Yesu adamukisa kamtsikana kanango ka magole 12, na mwana munango wamasiye kukhala pomwe na moyo. (Maliko 5:41, 42; Luka 7:12-15) Patsogolo pake, shamwali wa Yesu Lazaro adafa. Olo kuti Lazaro wenze adafa ndipo wenze adafuchiriwa kwa ntsiku zinayi, Yesu adamumukisa pomwe kukhala na moyo. Padapemphera kwa Mulungu Yesu adamuchemera kuti: ‘Lazaro bula!’ Ndipo ‘mwamuna ule yemwe wenze adafa adabuladi.’—anamoyo! (Yohane 11:43, 44) Ndoganizani momwe banja na azishamwali wa Lazaro wenzere wokondwa!

3. Ko nichidikhiro chiponi chomwe chiripo kwa wokondewa wanu womwe adafa?

Baibolo ichapolomisa kuti: ‘Kudzakhale kumukisiwa.’ (Machitidwe 24:15) Wale womwe Yesu adawamukisa kalekale, enze alibe kuyenda kudzulu. (Yohane 3:13) Iwo enze wokondwa kumukisiwa nkukhala na moyo pano padziko yapasi. Molingana na vimwevi, manjemanje, Yesu adzamukise mamidyau yazinji ya wanthu kuti adzakhale na moyo mparadaiso padziko yapasi. Iye adalewa vimwevi kuti ‘wose womwe ali m’manda yachikumbuso,’ podiya wale womwe ankuwoneka ninge ayebwewa, mwawa ali m’maganizo ya Yahova, ndipo adzamukisiwe.—Yohane 5:28, 29.

 PFUNZIRANI VIZINJI

4. Yesu adawonesa kuti iye angakwanise kumukisa wakufa

Dziwani vizinji vomwe Yesu adachita kwa shamwali wake Lazaro. Lewengani Yohane 11:14, 38-44, ndipo patsogolo pake kambiranani mibvunzo aya:

• Ko tinkudziwa tani kuti Lazaro wenze adafadi?—Wonani vesi 39.

• Sembe Lazaro wenze adayenda kudzulu, ko munkuganiza kuti Yesu adakamukisa basi nkumubweresa pano padziko yapasi?

Wonesani VIDIYO.

5. Wanthu azinji adzamukisiwe!

Lewengani Salimo 37:29, ndipo patsogolo pake kambiranani mbvunzo uyu:

• Ko mabiliyoni yazinji ya wanthu womwe adzamukisiwe adzakhale kuponi?

Yesu adzamukise wanthu azinji, osati wale wokha womwe angatumikira Yahova. Lewengani Machitidwe 24:15, ndipo patsogolo pake kambiranani mbvunzo uyu:

• Ko nimbani yemwe muchada kudzamuwona ankukhala pomwe na moyo?

• Ko chidikhiro cha kumukisiwa chidathandiza tani na kulimbisa moyo abale wake wa Phelicity?

 CHIGWATO

Baibolo ichapolomisa kuti mabiliyoni yazinji ya wanthu womwe adafa adzamukisiwe. Yahova ankufuna kuti wanthu mwawa adzakhale pomwe na moyo, ndipo iye adapasa mphanvu Yesu yakuwamukisa.

Kubwerezera

• Ko Yahova na Yesu achabvatani va kuchitisa wanthu kuti akhala pomwe na moyo?

• Ko mabiliyoni yazinji ya wanthu womwe adzamukisiwe adzakhale kuponi, kudzulu panango padziko yapasi? Ndawa chani munkulewa tene?

• Ko nchani chinkukutsimikizirani kuti wokondewa wanu adzakhale pomwe na moyo?