MSOLO 32
Ufumu wa Mulungu unkutonga manje!
Ufumu wa Mulungu udayamba kutonga kudzulu mu gole ya 1914. Gole mweyi ndiyo yomwe ntsiku zomalizira za utongi wa wanthu zidayamba. Ko tikudziwa tani vimwevi? Onani maulosi ya m’Baibolo, vochitika na makhalidwe yomwe yakhala yankuwoneka kuchokera mu gole ya 1914.
1. Ko maulosi ya m’Baibolo yawonesa chiyani?
Bukhu ya Danieli idawonesa kuti Ufumu wa Mulungu udzayambe kutonga kumapeto kwa nthawe zochemerewa kuti ‘nthawe 7.’ (Danieli 4:16, 17) Magole pang’ono patsogolo pake Yesu adalewa kuti ‘nthawe mweyi ni nthawe yoyikiwiratu ya wanthu wa mitundu inango’ ndipo iye adapfunzisa kuti nthawe yenze ikanati yamala. (Luka 21:24) Ninge mwati tiwonere nthawe 7 zimwezi zidamala mu gole ya 1914.
2. Ko nivochitika viponi na makhalidwe yaponi yomwe yakhala yankuwoneka kuchokera mu gole ya 1914?
Wopfunzira wa Yesu adabvunza kuti: ‘Ko chizindikiro cha mapeto na kukhalapo kwanu chidzakhale chani?’ (Mateyu 24:3) Pakudawira, Yesu adawauza vinthu vizinji vomwe vikadadzachitika pomwe iye adakayamba kulamulira ninge Mpfumu mu Ufumu wa Mulungu. Vinthu vimwevi vikuphanidzapo nkhondo kusowa kwa chakudya matsoka ya chilengedwe. (Lewengani Mateyu 24:7.) Baibolo idaleweratu pomwe kuti vochitika va wanthu ‘mu ntsiku zomalizira’ vidzachitise kuti moyo udzakhale ‘woshupa maninge.’ (2 Timoteyo 3:1-5) Makhalidwe mwaya na vochitika vimwevi vakhala vinkuwoneka maninge kuchokera mu gole 1914.
3. Ko ndawa chani mu dziko vinthu vakhala vikuipiraipira kuyambira pomwe Ufumu wa Mulungu udayamba kutonga?
Yesu padandoti khaleni Mpfumu kudzulu mu Ufumu wa Mulungu, iye adayamba kumenya nkhondo na Satana na viwanda vake. Satana adaluza nkhondo mweyi. Baibolo ichati: ‘Iye adathusiwa pasi padziko yapasi, ndipo iye pabodzi na angelo wake adathusiwa wose pabodzi.’ (Chivumbulutso 12:9,10,12) Satana anaukali maninge ndawa yakuti ankudziwa kuti iye adzadzongewe. Iye ndiye ankuchitisa kuti wanthu ambabonere padziko yose yapasi. Ndipomwapa tidabwalini kuti vinthu padziko yapasi vinkuyenda vinkuipiraipira. Koma Ufumu wa Mulungu udzachose mabvuto yose mwaya.
PFUNZIRANI VIZINJI
Wonani momwe tinkudziwira kuti Ufumu wa Mulungu udayamba kutonga mu gole ya 1914 na vomwe vinkuthandauza kwa isepano.
4. Kuwerengesera kwa m’Baibolo kunkufika mu 1914
Mulungu adachitisa kuti Mpfumu Nebukadinezara ya ku Babulo wakalekale akhale na maloto ya maulosi. Maloto mwaya na kutsumbudzulira kwake komwe Danieli adachita yadawonesa kuti yambalewa va ufumu wa Nebukadinezara na Ufumu wa Mulungu.—Lewengani Danieli 4:17. a
Lewengani Danieli 4:20-26, ndipo patsogolo pake phatisirani basa tchati kuti mudawire mibvunzo aya:
-
(A) o ni chani chomwe Nebukadinezara adawona m’maloto yake?—Onani vesi 20 na 21.
-
(B) Ko ni chani chidachitika na muti? —Onani vesi 23.
-
(C) Ko ni chani chidakachitika kumapeto kwa ‘nthawe 7’?—Onani vesi 26.
Ko maloto ya muti ule yachabverana tani na Ufumu wa Mulungu
ULOSI (Danieli 4:20-36)
Utongi
(A) Chimuti chikulu
Utongi udaimisiwa
(B) ‘Muti udagwatiwa,’ ndipo ‘padapita nthawe zokwana 7’
Utongi udabwezeresewa
(C) ‘Ufumu udzakhale pomwe wanu’
Kuyamba kukwanirisika kwa ulosi moyu . . .
-
(D) Ko muti ungaimira chani? —Onani vesi 22.
-
(E) Ko Ufumu udaimisiwa tani? —Lewengani Danieli 4:29-33.
-
(F) o nchani chidachitikira Nebukadinezara kumapeto kwa ‘nthawe 7’? —Lewengani Danieli 4:34-36.
KUKWANIRISIKA KWA KUYAMBA
Utongi
(D) Nebukadinezara Mpfumu ya Babulo
Utongi udaimisiwa
(E) Patsogolo pa magole 606 B.C.E., Nebukadinezara adapenga ndipo alibe kukwanisa kutonga pomwe kwa magole 7
Utongi udabwezeresewa
(F) Nebukadinezara adabwerera pomwe ndipo adayamba kutonga
Kukwanirisika kwa chiwiri kwa ulosi moyu . . .
-
(G) Ko muti ungayimira chani? —Lewengani 1 Mbiri 29:23.
-
(H) Ko ufumu wake udayimisiwa tani? Ko tinkudziwa tani kuti ufumu moyu wenze imisiwe pomwe Yesu wenze pano padziko yapasi? —Lewengani Luka 21:24.
-
(I) Ni lini ndipo nikuponi pomwe ufumu moyu udabwezeresewa?
KUKWANIRISIWA KWA CHIWIRI
Utongi
(G) Ufumu wa Izirayeli womwe ungayimira Ufumu wa Mulungu
Utongi udaimisiwa
(H) Yerusalemu adadzongewa ndipo udayimisa ndandanda ya maufumu ya Izirayeli kwa magole yokwana 2520
Utongi udabwezeresewa
(I) Yesu ankuyamba kutonga kudzulu ninge Mpfumu ya Ufumu wa Mulungu
Ko nthawe 7 ni nthawe ikulu tani?
Mbali inango ya Baibolo ichatithandiza kubvesa mbali inango. Mwakulinganiza, mubukhu ya Chivumbulutso, nthawe zitatu na hafu ni ntsiku zokwana 1260. (Chivumbulutso 12:6, 14) Ndipo nthawe 7 ni kuwerenga kawiri namba mweyi panango kuti ni ntsiku 2520. Nthawe zinango Baibolo iphatisira basa ntsiku kuyimira gole. (Ezekieli 4:6) Mwevi ndivo vomwe vidachitikirambo na nthawe zokwana 7 zomwe zichafokozewambo m’bukhu ya Danieli, izo zichaimira magole yokwana 2520.
5. Dziko idachinja kundoyambira mu gole ya 1914
Yesu adaleweratu vomwe vidzachitikire dziko na kuti vidzawonekere bwinobwino iye akadzakhala Mpfumu. Lewengani Luka 21:9-11, ndipo patsogolo pake kambiranani mbvunzo uyu:
-
Ko nivochitika viponi vomwe vakhala vinkuchitika panango vakhala vinkubvewa?
Mtumi Paulo adafotokoza momwe wanthu adzakhalire mu ntsiku zomalizira mu utongi wa wanthu. Lewengani 2 Timoteyo 3:1-5, ndipo patsogolo pake kambiranani mbvunzo uyu:
-
Ko ni yaponi mwa makhalidwe mwaya yomwe imwepo mwakhala munkuyawona ntsiku zino?
6. Kutonga kwa Ufumu wa Mulungu kuchatilimbikisa
Lewengani Mateyu 24:3, 14, ndipo patsogolo pake kambiranani mibvunzo aya:
-
Ko ni basa yodikana iponi yomwe inkuwonesa kuti Ufumu wa Mulungu unkutonga manje?
-
Ko imwepo mungachitetani kuti muthandize nawo pa basa mweyi?
Ufumu wa Mulungu manjewuno unkutonga, ndipo ntsiku yomwe udzatonge dziko yapasi ilipafupi maninge. Lewengani Aheberi 10:24, 25, ndipo patsogolo pake kambiranani mbvunzo uyu:
-
Ko nchani chomwe aliyese achadikana kuchita pomwe ‘tinkuwona kuti ntsiku mweyi inkufendera’?
Tilinganize kuti imwepo mwapfunzira chinthu chinango chomwe chingathandize na kupulumusa wanthu anango, ko imwepo mungachichimizike kuchita chani?
WANTHU ANANGO ACHATI: ‘Ndawa chani wa Mboni za Yahova achanena maninge va gole ya 1914?’
-
Ko imwepo mungalewe tani?
CHIGWATO
Maulosi ya m’Baibolo, kuwerengesera kwa m’Baibolo, yachawoneseratu kuti vomwe vikuchitika mudziko vinkuwonesa kuti Ufumu wa Mulungu unkutonga. Manje tichawonesa kuti tichakhulupirira vimwevi tikambalalikira na kugumanika pa misonkhano ya mpingu.
Kubwerezera
-
Ko nchani chidachitika kumapeto kwa nthawe 7 zofotokozewa mu bukhu ya Danieli?
-
Ko nchani chomwe chichakutsimikizirani imwepo kuti Ufumu wa Mulungu udayambadi kutonga mu gole ya 1914?
-
Ko imwepo mungawonese tani kuti muchakhulupirira kuti Ufumu wa Mulungu unkutonga manjeuno?
KUTI MUDZIWE VIZINJI
Wonani vomwe anango achanena pankhani ya kuchinja kwa dziko kundoyambira mu gole ya 1914.
‘Pomwe makhalidwe yadachinja maninge’ (Galamukani! ya Abril 2007)
Lewengani momwe ulosi wogumanika pa Mateyu 24:14 udachinjira moyo wa mwamuna munango.
Ko tichadziwa tani kuti ulosi wonembewa pa Danieli msolo 4 uchaphata basa pa Ufumu wa Mulungu?
‘Ko nilini pomwe Ufumu wa Mulungu udayamba kutonga? (Mbali 1)’ (Nsanja ya Olonda ya 1 Outubro, 2014)
Ko nchani chinkuwonesa kuti ‘nthawe 7’ zofotokozewa pa Danieli msolo 4 zidamalidi mu gole ya 1914?
a Wonani nkhani ziwiri zomalizira pa mbali yakuti kuti mudziwe vizinji mu msolo uno.
