MSOLO 36
Khalani woona moyo pa vinthu vose
Aliyese achada kukhala na shamwali yemwe ni woona moyo. Yahova achadikhira kuti azishamwali wake wose akhale woona moyo. Koma vimwevi ni voshupa maninge mudziko yomwe tinkukhala yomwe wanthu azinji ni wosaona moyo. Koma ko phindu ni iponi tikakhala woona moyo pa vinthu vose?
1. Ko ndawa chani tichadekana kukhala woona moyo?
Tikakhala woona moyo kwa anango, tichawonesa Yahova kuti tichamukonda na kumulemekeza. Ganizirani ivi: Yahova achadziwa chilichose chomwe tinkuchita na kuganiza. (Aheberi 4:13) Iye achawona tikambasalula vinthu moona moyo ndipo iye achatembeja vimwevi. Mawu yake yachati: ‘Yahova achanyantsiwa na munthu wachinyengo, koma ushamwali wake uli na wanthu womwe ni wamtima wabwino.’—Miyambo 3:32.
2. Ko ni njira zinango ziponi zomwe tingakhalire woona moyo pa moyo wathu wa ntsiku na ntsiku?
Yahova achada kuti ‘timbayankhule chaivo kwa anzathu.’ (Zekariya 8:16, 17) Ko vimwevi vinkutanthauza chani? Tikakhala kuti tinkuyankhula na banja yathu, anzathu wakubasa, abale na alongo wathu wachikhrisitu panango akuluakulu waboma, tichadekanalini kunama panango kupereka nkhani zabodza. Wanthu woona moyo achaberalini anzawo panango kuwachita vinthu vachinyengo. (Lewengani Miyambo 24:28 na Aefeso 4:28.) Ndipo iwo achapereka misonkho yose yomwe achadekana kupereka. (Aroma 13:5-7) Mwa njira mweyi na njira zinango ‘tichakhala kuti tinkuchita vinthu vose moona moyo.’—Aheberi 13:18.
3. Ko kukhala woona moyo kungatiphindulise tani?
Tikakhala woona moyo tichakhala na mbiri yabwino ndipo anango achatithemba ndipo tichathandizira chitetezo, tichakha na banja yabwino na abale na alongo mobverana. Tichakhala wokondwa na chikhumbumtima chabwino. Kukhala woona moyo kwathu kungathandize pomwe pa ‘vomwe tichapfunzisa va Mpulumusi wathu Mulungu.’ Ndipo vimwevi vingachitise kuti wale womwe ali kunja kwa mpingu achite chidwi nkuyambambo kutumikira nase pabodzi Mulungu.—Tito 2:10.
PFUNZIRANI VIZINJI
Onani momwe kukhala woona moyo kuchamukhudzira Yahova pabodzi na imwepo ndipo dziwani momwe imwepo mungakhalire woona moyo pa mbali zosiyanasiyana za moyo.
4. Kukhala woona moyo kuchatamanda Yahova
Lewengani Salimo 44:21 na Malaki 3:16, ndipo patsogolo pake kambiranani mibvunzo aya:
-
Ndawa chani imwepo munkuwona kuti ni kusowa nzeru kukhulupirira kuti mungakwanise kubisa chonadi?
-
Ko munkuganiza kuti Yahova achabva tani tikambasalula kuyankhula chaivo, podiya kuti nivoshupa kuchita teno?
Mwana akambayankhula chaivo, vichachitisa kuti azibereki wake ambakhale wokondwa. Ndipo isembo tikambayankhula chaivo tichachitisa Yahova kukhala wokondwa
5. Nthawe zose chitani vinthu moona moyo
Wanthu azinji achakhulupirira kuti kukhala woona moyo kuchathandizalini. Koma wonani kuti ndawa chani tichadikana kukhala woona moyo nthawe zose. Wonesani VIDIYO.
Lewengani Aheberi 13:18, ndipo patsogolo pake kambiranani momwe mungakhalire woona moyo . . .
-
m’banja mwanu.
-
kubasa panango kushikola.
-
pa vochitika vinango.
6. Kukhala woona moyo kuchatiphindulisa
Nthawe zinango kukhala woona moyo kungatibweresere mabvuto yanango. Koma tikasalula kukhala woona moyo nthawe zose tichakhala kuti tachita chosalula chabwino. Lewengani Salimo 34:12-16, ndipo patsogolo pake kambiranani mbvunzo uyu:
-
Ko kukhala woona moyo kuchachitisa tani moyo wanu kukhala wabwino?
-
Mwamuna panango nkazi woona moyo achalimbisa banja yake
-
Nyabasa yemwe achakhala woona moyo kwa abwana wake achakhala wothembewa
-
Mzika zomwe zichakhala zoona moyo zichakhala na mbiri yabwino na akuluakulu wa boma yawo
WANTHU ANANGO ACHATI: ‘Kundonama pang’ono palibe bvuto.’
-
Ndawa chani imwepo mukhulupirira kuti Yahova achaipidwa na bodza iliyose?
CHIGWATO
Yahova achada kuti azishamwali wake ambakhale woona moyo pa vose vomwe achachita na kuyankhula.
Kubwerezera
-
Ko ninjira zinango ziponi zomwe ningakhalire woona moyo?
-
Ndawa chani kungakhale kusowa nzeru kukhulupirira kuti mungabise chonadi?
-
Ndawa chani imwepo muchadikana kukhala woona moyo panthawe iliyose?
KUTI MUDZIWE VIZINJI
Ko azibereki angapfunzise tani wana wawo kuti akhale woona moyo?
Ko ni maphindu yanyi yomwe yachabwera ndawa ya kukwanirisa mapolomisi yathu?
Onani ndawa yake tichadekana kupereka misonkho olo kuti misonkho mwayo yachaphatisiwalini basa munjira yachilungamo.
‘Ko tichadekana kulipira misonkho?’ (Nsanja ya Olonda ya 1 Setembro, 2011)
Ko nchani chidalimbikisa mwamuna munango yemwe wenze wosawona moyo nkumbachita vinthu moona moyo?
‘Nidapfunzira kuti Yahova ni wachifundo na wokhululukira’ (Nsanja ya Olonda ya 1 Maio, 2015)
