MSOLO 38
Mbalemekezani mphaso ya moyo
Moyo ungakhale na vinthu vizinji vokondweresa. Olo kuti tinkugumana na mabvuto kazinjikazinji tingakhale na vinthu vinango vomwe vingakhale vokondweresa pamoyo wathu. Ko tingawonese tani kuti tichatembeja mphaso ya moyo? Ndipo ni ndawa iponi tingachitire vimwevi?
1. Ndawa chani tichadekana kulemekeza moyo?
Tichadekana kulemekeza moyo ndawa yakuti ni mphaso yochokera kwa Baba wathu wachikondi Yahova. Iye ndiye ‘chimake cha moyo’ ndipo ndiye adasika vinthu vose va moyo. (Salimo 36:9) ‘Ndiye yemwe achapereka moyo kwa wanthu wose, mphepo yopuma na vinthu vose.’ (Machitidwe 17:25, 28) Yahova achatipasa chilichose chomwe tichadekana kuti tipitirize kukhala na moyo. Ndipo kuingizira pamwapa, iye achathandiza moyo wathu munjira yomwe ichatichitisa kuti timbakhale wokondwa.—Lewengani Machitidwe 14:17.
2. Ko tingamuwonese tani Yahova kuti tinkutembeja mphaso ya moyo?
Kundochokera panthawe yomwe mudakonzewa m’mimba, Yahova wakhala ankukusamalirani. Mowuziriwa mtumiki wa Mulungu Davide adalewa kuti: ‘Maso yanu yadaniwona pomwe nenze kacheche m’mimba.’ (Salimo 139:16) Yahova achalemekeza moyo wanu. (Lewengani Mateyu 10:29-31.) Ndipo iye vichamuwawa maninge munthu akapha munzake mochitira utowa, panango akachosa moyo wake mochitira utowa. a (Ekisodo 20:13) Ndipo vichamuwawa pomwe Yahova tikambaikha moyo wathu pangozi panango tikakhala kuti tinkukhalalini tcheru kuti titeze moyo wa wanthu anango. Tikambasamalira moyo wathu na kulemekeza moyo wa anango tichaowenesa kuti tinkulemekeza mphaso yapadera ya moyo.
PFUNZIRANI VIZINJI
Onani njira zinango zomwe mungawonesere kuti munkutembeja mphaso ya moyo.
3. Samalirani thanzi yanu
Akhrisitu wodzipereka achaphatisira basa mbali iliyose ya moyo wawo kutumikira Yahova. Iwo achapereka mathupi yawo ninge ntsembe kwa Mulungu. Lewengani Aroma 12:1, 2, ndipo patsogolo pake kambiranani mibvunzo aya:
-
Ko ni chani chomwe chichadekana kukulimbikisani kusamalira thanzi yanu?
-
Ko ni njira zinango ziponi zomwe imwepo mungachitire vimwevi?
4. Khalani tcheru kuti mupewe ngozi panango impfa
Baibolo ichatilimbikisa kuti timbapewe vochitika vomwe vingaikhe moyo wathu pangozi. Wonesani VIDIYO kuti muwone vinthu vinango vomwe muchadikana kuchita kuti mukhale wotetezeka.
Lewengani Miyambo 22:3, ndipo patsogolo pake kambiranani momwe imwepo na anango mungakhalire wotetezeka . . .
-
pa muyi panu.
-
ku basa kwanu.
-
mukambachita masenzeka yolimbisa thupi.
-
mukambakonza panango kufambisa vinthu vanu vofambira.
5. Lemekezani moyo wa mwana wosabadwa m’mimba
Wa masalimo Davide, adafotokoza momwe Yahova achachitira chidwi, na kakulidwe ka mwana yemwe ali m’mimba. Lewengani Salimo 139:13-17, ndipo patsogolo pake kambiranani mbvunzo uyu:
-
M’maso mwa Yahova, ko moyo wa munthu uchayambira pomwe wayamba m’mimba panango akabadwa?
Lamulo ya Yahova kwa Aizirayeli ingateteza mayi na mwana akanati kubadwa. Lewengani Ekisodo 21:22, 23, ndipo patsogolo pake kambiranani mibvunzo aya:
-
Ko Yahova achawona tani wanthu womwe mwangozi wapha mwana akanati wabadwa?
-
Ko achamuwona tani munthu yemwe achachosera utowa mimba? b
-
Ko imwepo muchabva tani na maganizo ya Mulungu pa nkhani mweyi?
Olo nkazi yemwe achalemekeza mphaso ya moyo, nthawe zinango angawone kuti nivabwino kuti achose mimba ndawa yakuti ninjira ibodzi yokha yomwe angachite. Lewengani Yesaya 41:10, ndipo patsogolo pake kambiranani mibvunzo aya:
-
Peno nkazi ankugumana na chiyeso chakuti achose mimba, ko angayende kwa mbani kuti akumbire thandizo? Ndawa chani?
WANTHU ANANGO ACHATI: ‘Nkazi anudindo wosalula peno achadikana panango achadikanalini kuchosa mimba.’
-
Ko nchani chichakutsimikizirani imwepo kuti Yahova achalemekeza moyo wa mayi na mwana akanati wabadwa?
CHIGWATO
Baibolo ichatipfunzisa kuti timbakonde, kulemekeza na kuteteza mphaso yomwe Yahova adatipasa ya moyo. Vimwevi vinkuphatanidzapo pose pawiri, moyo wathu na moyo wa anango.
Kubwerezera
-
Ndawa chani moyo wa munthu ni wolemekezeka m’maso mwa Yahova?
-
Ko Yahova achabva tani akawona munthu ankuikha moyo wamunzake pangozi?
-
Ko ni chani chichakupasani chidwi pa mphaso ya moyo?
KUTI MUDZIWE VIZINJI
Ko tingamutembeje tani Yahova ndawa ya mphaso ya moyo?
Gumanani m’dawiro pa mbvunzo wakuti, ko Mulungu achakhululukira nkazi yemwe adachosakokale mimba?
‘Ko Baibolo ichanena chani pankhani yochosa mimba?’ (Nkhani ya pa intaneti)
Onani momwe Mulungu achawonera moyo na momwe vichamukhudzira pa vinthu vomwe tichasalula.
Tani peno munthu anamaganizo yofuna kudzipha? Wonani momwe Baibolo ingawathandizire.
a Wale womwe adachosa mimba kalekale achadekanalini kukhala na nkhawa. Yahova achakhululukira. Kuti mudziwe vizinji onani nkhani yakuti ‘Ko Baibolo ichanena chani pankhani yochosa mimba?’ yomwe ili pa mbali yakuti dziwani vizinji mu mpfunziro ino.
b Yahova achasamalira maninge wale womwe anamtima wachisoni. (Salimo 34:18) Iye achabvesesa maganizo yowawa yomwe yachachitisa munthu kuganiza va kudzipha, ndipo iye achada kuthandiza. Kuti muwone momwe iye angatithandizire, lewengani nkhani yakuti ‘Nikufuna kufako Baibolo ingatithandize tikakhala na maganizo yofuna kudzipha?’ yogumanika pa mbali ya kuti mudziwe vizinji mu msolo uno.
