MSOLO 40
Ko tingakhale tani wochena m’maso mwa Yahova?
Ganizirani va mayi wachikondi yemwe ankukonzekeresa mwana wake kuti ayende ku shikola. Iye ankuwonetsetsa kuti mwana wake wamusambika bwinobwino, wamuvazika vovala vochena na votchisa. Mwevi vichachitisa mwana ule kuti akhale wathanzi ndipo vichawonesa wanthu anango kuti achamusamalira bwino mwana moyu. Mobverana na vimwevi Ababa wathu wachikondi Yahova, achada kuti tikhale wakuchena mwakuthupi na m’maganizo. Tikakhala wochena tichadziphindulisa tekha ndipo tichapereka ulemerero kwa Yahova.
1. Ko tingakhale tani ochena mwakuthupi?
Yahova achatiwuza kuti: ‘Mukhale ochena.’ (1 Petulo 1:16) Kuti tikhale wakuchena tichadekana kukhala waukhuzi mwakuthupi na m’maganizo. Tingakhale wochena mwakusamba pafupipafupi, kufula vovala vathu, kuchenesa nyumba yathu pabodzi na kulongedza na kuchenesa chofambira chathu. Tingathandize pomwe kuchenesa Nyumba ya Ufumu yathu. Tikapitiriza kukhala wochena mwakuthupi tichapereka ulemerero kwa Yahova.—2 Akorinto 6:3, 4.
2. Kuti tikhale wochena tichadekana kupewa vizolowezi viponi?
Baibolo ichatilimbikisa kuti tikhale ochena kuvinthu voipisa thupi na mzimu. (2 Akorinto 7:1) Ndipomwapa tichayesesa kupewa chinthu chilichose chomwe chingadzonge thupi yathu panango maganizo yathu. Maganizo yathu yachadekana kutamanda Yahova, ndipomwapa tichachita vomwe tingakwanise kuti tilambe maganizo yophonyeka. (Salimo 104:34) Tichayesesa pomwe kuti timbayankhule mawu yabwino.—Lewengani Akolose 3:8.
Ni chani pomwe chomwe chingatichitise kuti tikhale wochena mwakuthupi na m’maganizo? Vinthu vinango vingadzonge thupi yathu, ninge kupepa na kuphatisa basa mankhwala yosokoneza msolo mwanjira yosabvumizika pakuda kudzikondweresa. Tikambapewa vimwivi, tichakhala wathanzi ndipo tichawonesa kuti tichalemekeza mphaso ya moyo. Tichayesayesa pomwe kukhala wochena mwakumenyera nkhondo vizolowezi vopsyipiza ninge kusenzekesa maliseche na kunyang’anira mavidiyo yowonesa wanthu ankugonana panango alivule. (Salimo 119:37; Aefeso 5:5) Vingakhale voshupa maninge patekha kuti tigwebane na vizolowezi voipa vimwivi, koma Yahova angatithandize kuchita vimwivi.—Lewengani Yesaya 41:13.
PFUNZIRANI VIZINJI
Onani momwe kukhala ochena kungalemekezerere Yahova, na momwe mungapewere vizolowezi vopsyipiza.
3. Kukhala wochena mwakuthupi kuchalemekeza Yahova
Tingakwanise kutewedzera malamulo ya Yahova yokhalira ochena tikambaganizira momwe Yahova adaperekera malamulo kwa Aizirayeli. Lewengani Ekisodo 19:10 na 30:17-19, ndipo patsogolo pake kambiranani mibvunzo aya:
-
Ko mavesi mwaya yankuwonesa chani pa momwe Yahova achawonera nkhani yakuchena mwakuthupi?
-
Ko ni vizolowezi viponi vomwe vingakuthandizeni imwepo kukhala wochena mwakuthupi?
Kuti mukwanise kukhala wochena mwakuthupi vichadekana nthawe na khama. Ndipo tichachita vimwivi mosatengera komwe tichakhala panango kuti vinthu viritani pamoyo wathu. Wonesani VIDIYO, ndipo patsogolo pake kambiranani mibvunzo aya.
-
Ko tichalemekeza tani basa yathu yolalikira tikukhala kuti tinkulongedza na kuchenesa bwinobwino vinthu vathu?
4. Gonjesani vizolowezi voipa
Yahova angatithandize kumaliza khalidwe iliyose yoipa
Peno imwepo muchapepa panango kuphatisira basa mankhwala yosokoneza msolo kuti mukondwe, muchadziwa momwe viliri voshupa maninge kuti mumalise vizolowezi mwevi. Ko ni chani chomwe chingathandize? Onani momwe vizolowezi mwevi vingakukhundzireni imwepo. Lewengani Mateyu 22:37-39, ndipo patsogolo pake kambiranani momwe kupepa panango kuphatisira basa mankhwala yosokoneza msolo kungakhudzire . . .
-
ushamwali wa munthu na Yahova.
-
wanthu wa m’banja ya munthu na azinzake omwe achakhala nawo pafupi.
Khalani na chakulinga chomalisa vizolowezi voipa. a Wonesani VIDIYO.
Lewengani Afilipi 4:13, ndipo patsogolo pake kambiranani mibvunzo aya:
-
Ko pemphero, pfunziro ya Baibolo na kugumanika pamisonkhano kungathandize tani munthu kukhala na mphanvu yogwebana na vizolowezi voipa?
5. Malisani maganizo pabodzi na vochita vopsyipiza
Lewengani Akolose 3:5, ndipo patsogolo pake kambiranani mibvunzo aya:
-
Ko tichadziwatani kuti kunyang’anira wanthu ankugonana, kusenzekesa maliseche panango kutumizirana mafoto ya wanthu alivure ni vinthu vopsyipiza pamaso pa Yahova?
-
Ko munkuganiza kuti nivobveka kuti Yahova achadikhira kuti timbakhale wochena m’maganizo? Ndawa chani?
Onani momwe mungamalizire maganizo yopsyipiza. Wonesani VIDIYO.
Yesu adaphatisira basa chitsanzo chowonesa kuti tichadekana kuchitapo kanthu kuti tipitirize kukhala ochena m’maganizo. Lewengani Mateyu 5:29, 30, ndipo patsogolo pake kambiranani mbvunzo uyu:
-
Olo kuti Yesu alibe kufotokoza kuti vinthu mwevi vingatidzonge isepano mwakuthupi, koma iye adawonesa kuti tichadekana kuchitapo kanthu mwankankulumize. Ko ni chinthu chiponi chomwe munthu angachite mwakankulumize kuti apewe maganizo yopsyipiza? b
Peno imwepo munkuyesesa kuti mumalise vizolowezi vopsyipiza, Yahova achawona khama yanu. Lewengani Salimo 103:13, 14, ndipo patsogolo pake kambiranani mbvunzo uyu:
-
Peno imwepo munkushupika kuti muleke vizolowezi voipa, ko lemba mweyi inkukulimbikisani tani kupitiriza kuchita khama?
Ayi kufoka!
Nivosashupa kuganiza kuti, ‘nayesera ndipo nikwaniselini.’ Koma ganizirani ivi: Ninge mwavichakhalira na munthu ankuthamanga nthawe zinango achagwa, koma vichathandauzalini kuti waluza mpikisano, ndipo sikuti angabwerere kukayambira soti poyambira kuthamanga. Imwepombo mukambagwa pakuyesesa kuleka vizolowezi voipa, sikuti mungakwaniselini kuleka. Ndipo vichathandauzalini soti kuti vose vamwachita vandoyenda papezi. Kufoka nthawe zinango ni kwachibadwa ndipo ni mbali ya moyo wathu. Ayi kufoka! Na thandizo ya Yahova, mudzangonjese vizolowezi voipa.
WANTHU ANANGO ACHATI: ‘Nidazolowera ningakwaniselini kuleka.’
-
Ko ni lemba iponi yomwe inkuwonesa kuti na thandizo ya Yahova munthu angakwase kuleka vizolowezi voipa?
CHIGWATO
Tichatamanda Yahova tikapitiriza kukhala wochena na kupitiriza kukhala na makhalidwe yabwino.
Kubwerezera
-
Ndawa chani ni vodikana kukhala wochena?
-
Ko mungakhale tani wochena mwakuthupi?
-
Ko imwepo mungapitirize tani kukhala ochena m’maganizo na vochita vanu?
KUTI MUDZIWE VIZINJI
Ko ni vinthu viponi vomwe imwepo mungachite kuti mukhale wakuchena olo kuti munavinthu vakuchepa?
Onani njira zamungaphatise basa kuti muleke kupepa.
Onani kuipa konyang’anira wanthu ankugonana.
‘Ko kunyang’anira volaura kunabvuto iponi?’ (Nsanja ya Olonda ya 1 Agosto, 2013)
Onani momwe mwamuna munango adalekera kunyang’anira wanthu ankugonana.
‘Nidagwa nthawe zizinji koma patsogolo pake nidakwanisa’ (Nsanja ya Olonda Na. 4 2016)
a ‘Ko ningasiye tani kupepa?’ inkugumanika pakuti kuti mudziwe vizinji mu msolo uno. inkufotokoza njira zamungaphatisire basa kuti mupirire.
b Kuti mugumane mpfundo zomwe zingakuthandizeni kuleka kusenzekesa maliseche, onani nkhani yakuti: ‘Ko ningamalise tani chizolowezi chosenzekesa maliseche?’ mu bukhu yakuti Mayankho a Zimene achinyamata amafunsa-Buku Loyamba, msolo 25.
