MSOLO 42
Ko Baibolo icahlewa chani pankhani ya kukhala pabanja na kusakhala pabanja?
Muvikhalidwe vinango, wanthu achakhulupirira kuti munthu angakhalerilini wokondwa akakhala kuti alirini pabanja. Koma chaivo ni vakuti, sikuti wanthu wose omwe ali pabanja achakhala wokondwa, ndipo niwoselini omwe alilini pabanja omwe niwosakondwa. Chaivo ni vakuti Baibolo ichafotokoza pose pawiri, omwe ali pabanja na omwe alilini pabanja kuti ni mphaso.
1. Ko ubwino wosakhala pabanja ni uponi?
Baibolo ichati: ‘Womwe walowola wachita bwino, koma yemwe alibe kulowola wachita bwino maninge.’ (Lewengani 1 Akorinto 7:32, 33, 38.) Ko ni mwanjira iponi yomwe munthu wosalowola achakhala kuti wachita ‘bwino maninge’? Akhrisitu omwe alilini pabanja achakhala alibe udindo wosamalira mwanzawo wa mu ukwati. Mwevi, vichachitisa kuti akhale na ufulu uzinji. Mwakulinganiza, anango achakwanisa kuingizira utumiki wawo mu njira yabwino maninge, iwo achafulukira kumalo yanango kuti akalalikire ntontholo wabwino. Kuposha vose, iwo achakhala na nthawe izinji yofenderera kwa Yahova.
2. Ko ni ubwino uponi wokhala pabanja mwalamulo?
Ali pabanja, na omwe alirini pabanja, achakhala na madaliso yosiyanasiyana. Baibolo ichati: ‘Awiri alibwino kuposha m’bodzi.’ (Mlaliki 4:9) Mwevi nichaivodi makamaka kwa Akhrisitu omwe achaphatisa basa mpfundo za m’Baibolo m’banja mwawo. Mabanja yomwe niyolowolana mwa lamulo, achachita polomisi yakuti nthawe zose ambadzakondane, kulemekezana na kuona mwanzake kuti niwakudikana maninge. Phindu yake niyakuti iwo achakhala motetezeka maninge kuposha mabanja yomwe yakundokhalira pabodzi koma osalembesa mwalamulo. Ndipo mabanja ninge mwaya yachakhala malo yotetezeka na yabwino yolerela wana.
3. Ko Yahova achayawona tani mabanja?
Pomwe Yahova adakonza banja yakuyambirira iye adati: ‘Mwamuna adzasiye ababa wake na amayi wake nkudzilumikiza kwa nkazi wake.’ (Genesis 2:24) Yahova achada kuti mwamuna na nkazi ambakondane nakuti akhale pabodzi mpakana moyo wawo wose. Iye achabvuma kuti wanthu amalise banja akakhala kuti m’bodzi wachita chimo yachigololo. Vikakhala tene, Yahova achapereka mwayi kwa wophonyerewa ule m’banja kuti asalule peno achada kumalisa banja. a (Mateyu 19:9) Yahova achabvumalini chipali pakati pa Akhrisitu.—1 Timoteyo 3:2.
PFUNZIRANI VIZINJI
Onani momwe imwepo mungakhalire wokondwa na kuchitisa Yahova kukhala wokondwa peno muli pabanja panango neye.
4. Phatisani basa bwino mphaso yakusakhala pabanja
Yesu ambawona kuti kusakhala pabanja ni mphaso. (Mateyu 19:11, 12) Lewengani Mateyu 4:23, patsogolo pake kambiranani mbvunzo uyu:
-
Ko Yesu adaphatisa tani basa mphaso yakusakhala pabanja kuti atumikire Ababa wake na kuthandiza anango?
Akhrisitu angakondwe kuphatisa basa nthawe yawo yomwe alilini pabanja ninge momwe Yesu adachitira. Wonesani VIDIYO, patsogolo pake kambiranani mbvunzo uyu.
-
Ko ni njira iponi yabwino yomwe Akhrisitu omwe alilini pabanja angaiphatisire basa?
Ko munkudziwa?
Baibolo ichanenalini magole yomwe munthu achadikana kungena m’banja. Olo kuti viriteno ichalimbikisa munthu kuti adikhire akanati walowola mpakana ‘apitirire pachimake pa ulumbwana’, nthawe yomwe chilakolako chakugonana chichakhala champhanvu, ndawa yakuti nthawe mweyi munthu angakangire kusalula vinthu mwanzeru.—1 Akorinto 7:36.
5. Salulani mwanzanu wa mu ukwati mwanzeru
Kusalula mwanzanu womanga naye ukwati ni chosalula chakudikana maninge chomwe imwepo mungachite. Lewengani Mateyu 19:4-6, 9, ndipo patsogolo pake kambiranani mbvunzo uyu:
-
Ndawa chani Mkhrisitu achadekanalini kuthamangira m’banja?
Baibolo ingakuthandizeni kudziwa chomwe ni chakudikana pakufaga mwanzanu wa mu ukwati. Kuposha vose, fagani mwanzanu wa mu ukwati yemwe achakonda Yahova. b Lewengani 1 Akorinto 7:39 na 2 Akorinto 6:14. Patsogolo pake kambiranani mibvunzo aya:
-
Ndawa chani tichadikana kulowolana na Mkhrisitu mwanzathu basi?
-
Ko munkuganiza kuti Yahova achabva tani, imwepo mukasalula munthu yemwe achamukondalini iye?
Nyama ziwiri zomwe ni zosiyana zili padjoko ibodzi, izo zikubonera. Molingana na mwevi, Mkhrisitu yemwe angalowolane na munthu wosakhulupirira adzabonere
6. Onani ukwati ninge momwe Yahova achawonera
Mu nthawe za Aizirayeli amuna anango angalamba azikazi wawo ndawa ya kudzikonda. Lewengani Malaki 2:13, 14, 16, patsogolo pake kambiranani mbvunzo uyu:
-
Ndawa chani Yahova achazonda kumalisa ukwati palibe chifukwa chobveka?
Chigololo na kumalisa banja kuchaboneresa munthu wophonyerewa m’banja pabodzi na wana
Wonesani VIDIYO, patsogolo pake kambiranani mbvunzo uyu.
-
Peno imwepo munamunzanu wa muwukwati yemwe niwosakhulupirira, ko mungachitetani kuti mukhale na banja yabwino?
7. Phatisirani basa malangizo ya Yahova pa nkhani ya ukwati
Munthu angafunike kuchita khama ikulu kuti aphatisire basa pfunzo za Mulungu pankhani ya ukwati. c Koma Yahova achadalisa wale omwe achachita vimwevi. Wonesani VIDIYO.
Lewengani Aheberi 13:4, patsogolo pake kambiranani mibvunzo aya:
-
Ko munkuganiza kuti mpfundo za Yahova pa nkhani ya ukwati ni zobveka? Peno teno ndawa chani?
Yahova achadikhira kuti Akhrisitu anembese ukwati wawo kuboma ndipo peno achada kulambana achadikana pomwe kuyenda kuboma, ndipo madziko yazinji maboma yachafuna vimwevi. Lewengani Tito 3:1, patsogolo pake kambiranani mbvunzo uyu:
-
Peno imwepo ndimwe wolowola, ko munkutsimikiza kuti mudanembesa ukwati wanu kuboma?
WANTHU ANANGO ACHATI: ‘Ndawa chani nikachite kunembesa ukwati? Ko wanthu awiri angaleke kundokhalira pabodzi?’
-
Imwepo mungadawire tani?
CHIGWATO
Kusakhala pabanja, kukhala pabanja ni mphaso yochokera kwa Yahova. Ndipo munthu angakwanise kukhala wokondwa akakhala ankutewedza mpfundo za Yahova pamoyo wake.
Kubwerezera
-
Ko munthu angaphatisetani basa bwino nthawe yomwe alilini pabanja?
-
Ndawa chani Baibolo ichanena kuti tichadekana kulowolana na Akhrisitu anzathu?
-
Ko ni chifukwa chiponi cha m’Malemba chomwe chichabvumiza kumalisa ukwati?
KUTI MUDZIWE VIZINJI
Ko kulowolana mwa ambuya kuchathandauza chani?
‘Mibvunzo yochokera kwa olewenga’ (Nsanja ya Olonda, 1 Julho, 2004)
Nyang’anirani tumavidiyo tuwiri tomwe tungakuthandizeni pankhani ya kunembesa na kulowolana.
Onani kuti ndawa chani m’bale munango adawona kuti vinthu vose vomwe Yahova adamupasa venze vaphindu maninge kuposha vinthu vose vomwe adasiya.
Ko ni vinthu viponi vomwe munthu angafunike kuviganizira akanati waganizira vakuti amalise banja panango kuti apatukane?
‘Lemekezani chomwe Mulungu wachimanga pabodzi’ (Nsanja ya Olonda, Dezembro 2018)
a Onani Mawu yakumapeto 4 vakupatukana pakakhala kuti palibe chimo yachigololo.
b Muvikhalidwe vinango azibereki achasalulira wana wawo munthu yemwe achadikana kulowolana naye. Vikakhala tene, azibereki wachikondi, achayikhiralini nzeru mali panango vinthu vomwe munthu yemwe achada kuti mwana wawo amange naye banja anavo, koma iwo achaowotsetsa peno munthu muyo achakondadi Yahova.
c Peno imwepo munkukhala na munthu yemwe mulibe kumangisa naye ukwati kuboma, peno muchada kulambana naye mwechi ni chosalula cha aliyese payekha.
