MSOLO 48
Salulani azishamwali awnau mwanzeru
Azishamwali wabwino achaingizira chimwemwe chathu pa nthawe yabwino, ndipo iwo angatilimbikise pa nthawe zoshupa. Koma Baibolo ichatichenjeza kuti sikuti munthu aliyese ni shamwali wabwino. Manje ko imwepo mungasalule tani azishamwali wabwino? Onani mibvunzo aya.
1. Ko Azishamwali omwe imwepo muchasalula achakukhudzani tani imwepo?
Mwachibadwa tichafuna kutewedzera wanthu omwe tichakhala nawo kwa nthawe itali. Mwevi vingakhale vabwino panango voipa, ndipo mwevi viritene peno tikukhala nawo kudjeri panango pa intaneti. Baibolo ichati: ‘Wofamba na munthu wanzeru adzakhale wanzeru, koma ule wofamba na wanthu opusa [wale omwe achakondalini Yahova] vinthu vidzamumalirelini bwino. (Miyambo 13:20) Azishamwali omwe achakonda na kutumikira Yahova angakuthandizeni kukhala pafupi na iye na kukuthandizani kuchita vosalula mwanzeru. Azishamwali omwe alilini mu mpingu angatichitise kuti tikhale kutali na Yahova. Ndipomwapa tidabwalini Baibolo ikambatilimbikisa kuti tichadekana kumbasalula azishamwali mwanzeru. Tikakhala na azishamwali omwe achakonda Mulungu tichadziphindulisa tekha pabodzi na iwo. Tichakwanisa ‘kupitiriza kulimbikisana.’—1 Atesalonika 5:11.
2. Ko kusalula kwanu azishamwali kuchakhudza tani Yahova?
Yahova achasalula azishamwali wake mosamala maninge ‘azishamwali wake wapamoyo ni wale wa mtima wabwino.’ (Miyambo 3:32) Ko Yahova achabvatani tikakhala kuti tikusalula azishamwali omwe achamukondalini iye? Iye achakhumudwa maninge! (Lewengani Yakobo 4:4.) Yahova angakondwe nase tikambalamba mgwirizano woipa na tikambasalula azishamwali omwe achamukondambo iye.—Masalimo 15:1-4.
PFUNZIRANI VIZINJI
Onani kudikana kosalula azishamwali wabwino, na momwe azishamwali mwawa angakuthandizeireni kuti moyo wanu ukhale wabwino maninge.
3. Samalani na mbverano woipa
Kubverana na wanthu omwe achakondalini Mulungu na pfundo zake za makhalidwe yabwino moyu ni mbverano woipa. Wonesani VIDIYO, ndipo patsogolo pake kambiranani mbvunzo uyu.
-
Onani momwe tingwerere mu mgwirizano yoipa koma mosazindikira?
Lewengani 1 Akorinto 15:33, ndipo patsogolo pake kambiranani mibvunzo aya:
-
Ko ni khaindi yanyi ya munthu yemwe angakhale mbverano woipa kwa imwepo? Ndawa chani?
Lewengani Salimo 119:63, patsogolo pake kambiranani mbvunzo uyu:
-
Ko ni chani chomwe tichadekana kunyang’ana pakufaga azishamwali?
Maça yodzongeka ingadzongesembo zinzake. Ko shamwali m’bodzi wamakhalidwe yoipa angakukhudzeni tani imwepo?
4. Wanthu omwe ni wosiyana na ise angakhale azishamwali wathu wabwino maninge
Baibolo ichanena va amuna awiri wa mu nthawe za Aizirayeli, Davide na Yonatani. Iwo wenze wosiyana misinkhu na vochitika pamoyo wawo; koma iwo wenze paushamwali wosayebweka. Lewengani 1 Samueli 18:1, patsogolo pake kambiranani mbvunzo uyu:
-
Ko ndawa chani azishamwali wathu achadekanalini nthawe zose kukhala olingana nawo msinkhu, gulupo panango momwe vinthu viliri pamoyo wathu?
Lewengani Aroma 1:11, 12, patsogolo pake kambiranani mbvunzo uyu:
-
Ko azishamwali omwe achakonda Yahova achalimbikisana tani?
Mu vidiyo iyi, onani momwe mulumbwana munango adagumanira zishamwali ku malo yomwe angayadikhiliralini. Wonesani VIDIYO, patsogolo pake kambiranani mibvunzo aya.
-
Mu vidiyo, ndawa chani azibereki wake wa Akil’s angadera nkhawa va azishamwali wake wa ku shikola?
-
Ndawa chani pakuyamba iye ambawona ninge ni azishamwali wabwino mwawale?
-
Ko iye adapirira tani kumbakhala yekhayekha?
5. Ko mungakhale tani na azishamwali wabwino?
Onani momwe mungagumanire azishamwali chaiwo—na momwe imwembo mungakhalire shamwali wabwino. Wonesani VIDIYO.
Lewengani Miyambo 18:24 na 27:17, patsogolo pake kambiranani mibvunzo aya:
-
Ko azishamwali chaiwo achathandizana tani?
-
Ko imwepo munawo azishamwali wabwino ninge mwawa? Peno neye, ko mungachitetani kuti mukhale na shamwali wabwino tene?
Lewengani Afilipi 2:4, patsogolo pake kambiranani mbvunzo uyu:
-
Kuti mugumane shamwali wabwino, imwepo muchadekana kukhala shamwali wabwino. Ko mungachite tani vimwevi?
Kuti mukhala shamwali wabwino, imwepo muchadekana kukhala shamwali wabwino
WANTHU ANANGO ACHATI: ‘Shamwali aliyese ni wabwino.’
-
Imwepo mungalewe tani?
CHIGWATO
Tikambasalula azishamwali wathu mwanzeru, tichakondweresa Yahova ndipo tichadziphindulisa tekha.
Kubwerezera
-
Ndawa chani Yahova achatiwuza kuti timbasalule mwanzeru azishamwali wathu?
-
Ko ni azishamwali wa khaindi yanyi omwe tichadekana ku wapewa?
-
Ko mungakhale tani paushamwali wolimba na wanthu wamakhalidwe yabwino?
KUTI MUDZIWE VIZINJI
Onani momwe azishamwali wabwino angatithandizire pa nthawe ya mabvuto.
‘Limbisani ushamwali wanu mapeto yakanati yafika’ (Nsanja ya Olonda, Novembro 2019)
Onani mpfundo zomwe mungaziphatise basa kuti mukhale na azishamwali wabwino.
Ko ni chani chomwe muchadekana kudziwa pankhani ya azishamwali wa pa intaneti?
Mumbachite vinthu mosamala mukambacheza na anzanu pa internet (4:12)
Onani chomwe chidachitisa mwamuna munango kuti achinje azishamwali wake mu nkhani yakuti. “Nenze na shungu yokhala baba.”
‘Baibolo ichachinja moyo’ (Nsanja ya Olonda ya 1 Abril, 2012)
