MSOLO 53
Salulani vikondweresa vomwe vichalemekeza Yahova
Yahova ni ‘Mulungu wachimwemwe’. (1 Timoteyo 1:11) Iye achada kuti timbakhale wokondwa na kukomedzewa na moyo. Iye achakomedzewa maninge tikambakhala na nthawe yopuma pa basa yathu. Mu msolo uno tiwone momwe tingaphatire basa yathu mu njira yomwe ingakhale yokomedza na yakondweresa Yahova.
1. Ko ni chani chomwe tichadekana kukumbukira tikambasalula vokondweresa?
Ko ni chani chomwe imwepo muchakonda kuchita pa nthawe yanu yopuma? Anango achasalula kukhala pawokha kumuyi kwawo, kubvera nyimbo kulewenga bukhu panango kunyang’anira vidiyo panango kumbalewenga nkhani pa intaneti. Pomwe anango achakonda kumbakhala pabodzi na azishamwali nkumbasenzeka ninge kujogar majogo. Pa vilivose vomwe tichakonda kuchita, tichadekana kutsimikizira kuti ni ‘vobvumizika kwa ambuya wathu.’ (Aefeso 5:10) Tichadekana kubvesesa bwinobwino vimwivi ndawa yakuti vinthu vizinji vokondweresa vichakhala vinthu vomwe Yahova achazonda ninge, vomenyana, vachigololo na vamizimu. (Lewengani Salimo 11:5.) Ko ni chani chomwe chingatithandize kusalula bwino vinthu vokondweresa?
Tikambasalula azishamwali omwe achakonda Yahova isembo tichakhala na vosalula vabwino pankhani ya vokondweresa. Ninge mwatapfunzirira mu msolo wapita ule, ‘wanthu wofamba na wanthu wanzeru adzakhale wanzeru.’ M’mawu yanango tingalewe kuti, tikambakonda kukhala na wanthu omwe achakondalini malamulo ya Yahova, vinthu ‘vidzatifambirelini bwino.’ —Miyambo 13:20.
2. Ko ndawa chani tichadekana kuwonetsetsa nthawe yomwe tichamala tinkunyang’anira vokondweresa?
Olo kuti vokondweresa vomwe tasalula ni vabwino, tichadekana kusamala kuti tileke kumala nthawe itali tinkunyang’anira. Ndawa yakuti tingakhale tilibe nthawe yokwana yochitira vinthu vinango vomwe ni vakudekana maninge. Baibolo ichatilimbikisa kuti ‘timbaphatisire basa bwino nthawe yathu.’—Lewengani Aefeso 5:15, 16.
PFUNZIRANI VIZINJI
Dziwani mowe mungachitire vosalula vabwino pa nkhani ya vokondweresa.
3. Pewani vokondweresa voipa
Ndawa chani tichadekana kusalula vokondweresa mwanzeru Wonesani VIDIYO, ndipo patsogolo pake kambiranani mibvunzo aya.
-
Ko majogo yomwe yenzeko kalekale ku Roma, yankubverana tani na vinthu vokondweresa va ntsiku zino?
-
Mu vidiyo, ko Danny wapfunzira chani pa vinthu vokondweresa?
Lewengani Aroma 12:9, ndipo patsogolo pake kambiranani mbvunzo uyu:
-
Ko lemba mweyi ichakhudza tani vokondweresa vomwe imwepo muchasalula?
Ni vinthu vinango viponi vomwe Yahova achazonda? Lewengani Miyambo 6:16, 17 na Agalatiya 5:19-21. Mukamaliza kulewenga lemba iliyose kambiranani mbvunzo uyu:
-
Ko ni vinthu viponi vomwe vagumiwa m’mavesi mwaya vomwe vichachitika maninge mu ntsiku zathu zino?
Momwe mungasalulire vokondweresa vanu mwanzeru
Dzibvunzeni kuti:
-
Nchani? Ko mwevi vinkuphatanidzapo vinthu vomwe Yahova achazonda?
-
Nilini? Ko vimwivi vingachitise kuti nikange kuchita vinthu vomwe nivodikana maninge?
-
Ni mbani? Ko mwevi vichanichitisa kuti nimbagumane pafupipafupi na wanthu omwe achakondalini Yahova?
Nivabwino kukhala kutali na vinthu vomwe vingatidzonge. Ndipomwapa vingakhale bwino maninge kukhala kutali na vinthu vomwe tinkuwona kuti kwa ise vingakhalelini bwino
4. Phatisirani basa nthawe yanu mwanzeru
Wonesani VIDIYO, ndipo patsogolo pake kambiranani mbvunzo uyu.
-
Olo kuti m’bale ule mu vidiyo anganyang’aniralini vinthu voipa vokondweresa, koma ko vingakhudzatani nthawe yake?
Lewengani Afilipi 1:10, ndipo patsogolo pake kambiranani mbvunzo uyu:
-
Ko vesi mweyi ingatithandize tani kuona nthawe yomwe tichamala tinkunyang’anira vokondweresa?
5. Salulani vokondweresa vabwino
Olo kuti vokondweresa vinango vichakondweresalini Yahova, panavokondweresa vizinji vabwino vomwe tingachite. Lewengani Mlaliki 8:15 na Afilipi 4:8, ndipo patsogolo pake kambiranani mbvunzo uyu:
-
Ko ni vokondweresa vabwino viponi vomwe imwepo muchakonda kuchita?
Imwepo mungakondwe na vokondweresa vabwino pa nthawe yabwino
WANTHU ANANGO ACHATI: ‘Palibe bvuto kunyang’anira vokondweresa vowonesa wanthu ankumenyana, ankuchita chigololo na vamizimu malingana ukakhala kuti uchachitambolini mwevo.’
-
Ko imwepo mungalewe chani?
CHIGWATO
Yahova achada kuti timbasalule na kukhala wokondwa na vinthu vokondweresa.
Kubwerezera
-
Ko ni vokondweresa viponi vomwe Akhrisitu achadekana kuvipewa?
-
Ndawa chani tichadekana kukhala wosamala maninge pa nthawe yomwe tichamala tinkunyang’anira vinthu vokondweresa?
-
Ndawa chani tichadekana kusalula vokondweresa vomwe vichakondweresa Yahova?
KUTI MUDZIWE VIZINJI
Onani kuti ko nimbani yemwe achadekana kutisalulira vokondweresa vathu.
‘Ko Mboni za Yahova zichalambiza mavidiyo yanango nyimbo na mabukhu?’ (NKhani ya pa intaneti)
Onani momwe mungachitire vosalula vabwino pa vinthu vokondweresa vomwe muchakonda.
‘Ko vokondweresa vanu ni vophindulisa?’ (Nsanja ya Olonda ya 15 Outubro, 2011)
Onani kuti ndawa chani mwamuna munango adachinja vokondweresa vomwe iye angakonda mu nkhani yakuti ‘Nidagonjesa vinthu voipa.’
‘Baibolo ichachinja moyo’ (Nsanja ya Olonda ya 1 Fevereiro, 2010)
Onani momwe mayi munango adachinjira pa vomwe angakonda pa nkhani ya mzimu wa dziko.
