Momwe mungaphindulire mwakukwana na mapfunziro mwaya ya m’Baibolo
Kumbirani munthu kuti ambakupfunziseni: Mukumbireni munthu yemwe wakupasani kabulosha mwaka kuti ambakupfunziseni Baibolo, panango dzadzani fomu yokumbirira pfunziro pa saiti yathu ya jw.org.
MBALI YOYAMBA
Lewengani ndime iliyose, kuphatanidzapo mibvunzo yapsipa (A) na malemba (B) yomwe yankutsindika mpfundo zikulu-zikulu. Wonani kuti malemba yanango achita kuleweratu kuti ‘lewengani.’
MBALI YAPAKATI
Mawu yoyambirira (C) pasi pa kamsolo kakuti Pfunzirani vizinji yankuwonesa vati tikambirane. Tumisolo (D) twa nkati tunkuyambisa mpfundo zikulu-zikulu. Lewengani malemba, dawirani mibvunzo ndipo nyang’anirani mavidiyo (E).
Yawoneni mosamala mafoto (F), ndipo wonani momwe mungadawirire pa mbali yakuti Wanthu anango achati (G).
MBALI YOMALIZIRA
Pfunziro iliyose inkumaliza na mawu yakuti Chigwato na Kubwerezera (H). Nembani data yomwe mwamaliza pfunziro. Pa mbali yakuti Vati nichite (I) nembamponi mwati muphatisire basa vamwapfunzira. Pa mbali yakuti Kuti mudziwe vizinji (J) mungagumanepo nkhani zinango zamungalewenge panango vinango vonyang’anira.
Momwe mungagumanire mavesi ya m’Baibolo
Malemba yose yankuyamba na kutomola bukhu ya m’Baibolo (A), msolo (B), na vesi panango mavesi (C). Mwakulinganiza, tikati Yohane 17:3 tinkufuna kulewa kuti ni bukhu ya Yohane msolo 17, vesi 3.
