Mumbachinje-chinje mawu. Mumbachinje-chinje mawu kuti mutsindike mpfundo yodikana nakuti mulimbikise wanthu kukhala na chidwi. Mungambachite vibodzi-bodzi polewenga ntontholo wachiweruzo wa m’Baibolo. Mungabweze mawu pakuda kuthandiza wanthu kulindira kubva mpfundo inango panango kufotokoza vinthu vinango vochitisa mantha panango nkhawa.

Panango mumbayankhulise, panango mumbabweze. Peno nivobvumiziwa muchiseweredwe chanu, mumbachinje-chinje mawu pakutsindika mpfundo, ponena vinthu vikulu-vikulu panango pofotokoza vinthu vomwe vili patali. Mumbachinje pomwe mawu ponena vinthu vopasa ntsisi panango nkhawa.

Panango mumbayankhule kankulumize, panango pang’ono-pang’ono. Mumbayankhule kankulumize powonesa kuti munkukondwera koma mumbayankhule pang’ono-pang’ono mukambafotokoza mpfundo yodikana maninge.