Mumbakhale na cholinga. Ko cholinga chanu ni kudziwisa, kutsimikizira panango kulimbikisa wanthu? Mumbaganizire vimwevi mukambakonzekera nkhani yanu, ndipo mumbawone peno mpfundo zose zikuthandizeni kukwanirisa cholinga chanu.

Mumbatsindike msolo wa nkhani yanu. Nkati mwa nkhani yanu mumbabwerezere mawu ya mu msolo wa nkhani, panango kulewa yanango yolingana nayo thandawuzo.

Bvekesani mpfundo zikulu-zikulu munjira yosashupa kubva. Mumbasalule mpfundo zikulu-zikulu zomwe zinkubverana na msolo wa nkhani zomwe mungakwanise kuzifotokoza bwinobwino osadya nthawe. Ayi kumbasalula mpfundo zikulu-zikulu zizinji. Mumbanene mpfundo iliyose mobveka. Mumbapume mukachoka pa mpfundo inango, kuyenda inango kuti muleke kusiya wanthu m’malere.