Mumbakonzekere bwino. Ipfunzireni nkhani mpakana mudziwe cholinga chayene, na momwe Malemba yankutsimikizira vimwevi. Yankhulani mpfundo zikulu-zikulu mosashupa kubva pakundophatisa basa mawu yadiki-diki. Ganizirani momwe nkhani yanu ingakathandizire wanthu. Mulibe mwayamba kukonzekera, mumbakumbire Yahova kuti akupaseni mzimu wake wakuchena.

Mumbasalule mawu yowonesa kutsimikiza. M’malo mwakumbandobwerezera viri nembewe, mubayankhule m’mawu yanu-yanu. Mumbadzibvunze kuti: Ko ningakalewe mawu yaponi kuti akatsimikize?

Mumbayankhule mochokera pasi pa moyo na mosakayikira. Ayi kumbayankhula mokuwisa, panango pang’ono-pang’ono maninge. Ndipo peno kwanu ni vobvumizika, mumbanyang’nane munthu wamunkuyankhula naye.