PFUNZIRO 2
Kuyankhula mochita kukambirana na wanthu
2 Akorinto 2:17
MPFUNDO IKULU: Mumbayankhule mwachibadwa na mochokera pasi pa moyo, kuti muwonese kuti nkhani mweyo ni yakudikana kwa imwepo nakuti muchawaganizira wanthu.
MOMWE MUNGACHITIRE VIMWEVI:
-
Mumbapemphere na kukonzekera bwino. Pempherani kuti maganizo yanu yakhale pa mpfundo zomwe mufotokoze, osati mawu yomwe muyankhule. Sungani m’maganizo mwanu mpfundo zikulu-zikulu. Yankhulani mwachibadwa, ayi kuyankhula mwaviri nembere kuchita ninga munkuchita kulewenga.
-
Mumbayankhule kuchokera m’moyo. Mumbaganizire momwe ntontholo muyo ungathandizire wanthu wamunkuyankula nawo. Mumbawaganizire maninge wanthu mwawa. Vimwevi vingachitse kuti thupi yanu, nkhope na mawu yanu vimbawonese kuti muchawaganizira wanthu mwawa.
-
Mumbanyang’ane wobvera. Mukambayankhula mumbanyang’ane munthu. Pakukamba nkhani, osati mumbandoti maso mwamwa-mwamwa kuti muwone gulu yose. Koma muchadekana kunyang’ana munthu m’bodzi pa nthawe ibodzi.