PFUNZIRO 4
Kulewa mawu yakudikana mukanati mwalewenga lemba
MOMWE MUNGACHITIRE VIMWEVI:
-
Dziwani mpfundo yamuchada kufotokoza. Mukanati kulewenga lemba, dziwani mpfundo ikulu ndipo lewani mawu yomwe yangachitise kuti wobvera afune kubva mpfundo mweyo.
-
Mumbawonesese kuti vose vamunkulewa vinkuchokera m’Baibolo. Mukambakambirana na wanthu womwe achakhulupirira Baibolo, mumbawawonese m’Baibolo osati kumbandofotokoza maganizo yanu.
-
Achitiseni chidwi. Chitani mbvunzo, ndipo lewengani vesi na kuwawonesa momwe inkudawirira. Tomolani bvuto na kuwawonesa momwe vesi mweyo ingawathandizire. Apo neye, mungatomole mpfundo nkulewenga lemba na kuwawonesa mwangaiphatisire basa.