PFUNZIRO 6
Kufotokoza ndawa yake mwalewenga lemba
Yohane 10:33-36
MPFUNDO IKULU: Mukalewenga lemba, ayi kumbayenda pa lemba inango mukanati kufotokoza mpfundo ikulu. Mumbathandize wanthu kuwona kubverana kulipo pakati pa lemba yamwalewenga na mpfundo yomwe munkufotokoza.
MOMWE MUNGACHITIRE VIMWEVI:
-
Salulani mawu yomwe yankubverana na mpfundo ikulu. Mukandolewenga lemba, mumbatsindike mawu yomwe yankubverana maninge na mpfundo ikulu. Mungachite vimwevi mwa kubwerezera mawu yobverana na mpfundo ikulu panango kubvunza mbvunzo womwe ungachitise wobvera kudziwa mpfundo ikulu.
-
Tsindikani mpfundo yomwe munkufuna kuti wanthu ambayikumbukire. Fotokozani kubverana komwe kulipo pakati pa mpfundo ikulu na lemba yomwe mwalewenga.
-
Fotokozani mosashupa kubva. Ayi kumbandofokoza mawu yomwe ni yosabverana na mpfundo ikulu. Kuti mudziwe mpfundo zakudikana kufotokoza, mumbayambe mwaganizira vomwe wobvera wanu ankuvidziwakale.
