Phatisirani basa maumboni yothembeka. Voyankhula vanu vimbakhale vochokera m’mawu ya Mulungu mwakulewenga Baibolo ngati vingakwanisike. Imwepo mukafuna kupereka maumboni yochokera kwa masientista, mu notisiya panango vinthu vinango, mumbatsimikizire kuti nivothembeka nakuti ni chaivo.

Mumbaphatise basa bwino maumboni. Vomwe munkunena pa lemba iliyose vimbakhale vobverana na nkhani yose ya palemba mweyo, vimbabverane pomwe na Baibolo yose pabodzi na vomwe ‘kapolo wokhulupirika na nzeru’ achanena. (Mat. 24:45) Peno mukuphatisira basa umboni unango mumbawonesese kuti unkubverana na nkhani yose na cholinga cha omwe adanemba.

Fotokozani mu njira yophata moyo. Mukalewenga lemba panango kunena umboni unango mumbabvunze mibvunzo yabwino panango kupereka chitsanzo chothandiza wanthu kuzindikira vomwe munkuthandawuza.