Kwa magole yazinji, Mboni za Yahova zakhala zinkuphatisira basa, kudinda na kugawira Mabaibolo yosiyana-siyana. Koma tidawona kuti pachadikana Baibolo inango yomwe ingathandize wanthu azinji kudziwa ‘chowonadi chaicho,’ vomwe Mulungu achada kwa tose. (1 Timoteyo 2:3, 4) Kundochokera mu 1950, tidayamba kufalisa mbali ya Baibolo, yomwe ni Baibulo la Dziko Latsopano ya chiseweredwe cha ntsiku zino. Iyo idatsumbudzululiriwa bwino mu viseweredwe voposha 130.

Pangadikana Baibolo yosashupa kubvesesa. Chiseweredwe chichinja pakapinda nthawe, ndipo Mabaibolo yazinji yanamawu yomwe yadasiya kuphatisiriwa basa na yoshupa kubvesa. Kuyingizira pamwapa, padagumaniwa mipukutu yakale-kale yolewa chaivo, yolingana na yoyambilira yomwe yadawathandiza kubvesesa chiheberi, chiaramu na chigiriki cha m’Baibolo.

Pangadikana Baibolo yotsumbudzulira mawu ya Mulungu molondola. M’malo mochinja mawu yowuziriwa na Mulungu, wotsumbudzulira Baibolo achadekana kusamala maninge. Koma wanthu azinji womwe adatsumbudzulira Baibolo, alibe kuphatisira basa dzina ya Mulungu yakuti Yahova m’Malemba yopatulika.

Pangadikana Baibolo yomwe ichalemekeza Munembi wake. (2 Samueli 23:2) Mu Baibulo la Dziko Latsopano, dzina yakuti Yahova idabwezerewa m’malo yokwana 7.000 yomwe imbagumanika soti mu mipukutu yoyambirira ya Baibolo, ninge mwainkuwonesera foto iri m’nyantsi. (Salimo 83:18) Kufaga-faga mwakhama komwe kudachitika kwa magole yazinji, kudachitisa kuti tikhale na Baibolo yabwino yosashupa kubvesesa, yomwe ichafotokoza nzeru za Mulungu mobveka bwino. Peno imwepo munayo Baibulo la Dziko Latsopano mu chiseweredwe chanu panango neye, tinkukulimbikisani kukhala na chizolowezi chakumbalewenga Mawu ya Yahova ntsiku zose. —Yoswa 1:8; Salimo 1:2, 3.

• Ndawa chani tidasaina kutsumbudzulira Baibolo yanyowani?

• Ko yemwe achada kupfunzira vomwe Mulungu achada, achadikana kukhala na chizolowezi chiponi ntsiku iliyose?