Tinkukutembejani ndawa yopatula nthawe nkulewenga kabolosha mwaka kuti mudziwe kuti Mboni za Yahova ni wanthu wotani, basa yawo na momwe gulu yawo inkufambira. Tinashuwa kuti kabukhu mwaka kakuthandizani kuwadziwa womwe ankuchita vomwe Yahova achada ntsiku zino. Tinkukulimbikisani kuti mupitirize kupfunzira va Mulungu, kuwuzako azibale na azishamwali wanu vamunkupfunzira na kugumanika nthawe zose pamisonkhano. —Aheberi 10:23-25.

Imwepo mukapitiriza kupfunzira va Yahova, chikondi chanu kwa iye chidzakule. Ndipo chikondi mwichi chidzakulimbikiseni kuchita vose vamungakwanise kuti mumutumikire. (1 Yohane 4:8-10, 19) Tsono mungachiwonese tani chikondi mwechi ntsiku na ntsiku? Ndawa chani ni vaphindu kutewedza malamulo ya Yahova? Ndipo ni chani chomwe chingakuthandizeni kubwera mu gulu yathu nkumbachitira pabodzi vomwe Mulungu achada? Munthu yemwe ankukupfunzisani Baibolo angakuthandizeni kugumana midawiro ya mibvunzo mwaya kuti imwepo pabodzi na banja yanu ‘mupitirize kukhala mu chikondi cha Mulungu, muchidzagumana moyo wosapera.’ —Yuda 21.

Tinkukulimbikisani kupitiriza kufamba munjira ya chowonadi mwa kupitiriza kupfunzira kabukhu kanango aka.