Banja inango yomwe machibese yaliyose ikonda kuwerengera pabodzi mbiri ya abale wathu, idalewa kuti: “Nkhani zimwezi zitilimbikisa maninge ndipo zitithandiza kukhala okondwa. Zitikumbusa kuti tingakwanise kukhala okhulupirika podiya kuti tikugumana na mabvuto.” Mulongo munango yemwe akubvambo chibodzibodzi adalewa kuti: “Nkhani zimwezi zinilimbikisa, zinipasa mphanvu ndipo zinithandiza kukhala wokondwa. Mbiri za abale na alongo mwawa zidanembewa na cholinga ndipo zitithandiza kukhala na moyo watanthauzo. Nkhani zawo zinilimbikisa kulalikira mwakhama na kuthandiza wana wangu kuti achite utumiki wanthawe zose.”

Mbiri za moyo wa abale wathu zingakulimbikiseni kukhala na volinga vabwino, kulimbana na vofoka vanu na kupirira mabvuto yakulu muli wokondwa. Ko mungazigumane tani nkhani zofotokoza mbiri yawo?

• Onani ndandanda ya nkhani za Chichewa zakuti “Mbiri za a Mboni za Yehova Ena” pa jw.org/ny panango pa JW Library.

• Fagani nkhani zakuti “Mbiri za a Mboni za Yehova Ena” mu Watchtower LAIBULALE YA PA INTANET^™ panango Watchtower Library.