Imwepo mudaganizako kale vowerenga Baibolo koma mudasiya ndawa ya mabvuto mwaya? Kwa wanthu azinji, kuwerenga Baibolo kuchakhala kowadabwisa. Koma tani peno mwapfunzira kuti Baibolo ingakuthandizeni kuti mukhale na moyo wokondwa? Ndipo tani peno imwepo mwagumana njira zinango zowerengera zomwe zingachitise kuti ikhale yokondweresa? Ko imwepo mungakonde kuona pa vomwe Baibolo ingakuthandizeni?

Onani ndemanga zowerengeka za wanthu omwe adaona kuti ni vophindulisa padayamba kulewenga Baibolo.

Ezekiel, yemwe anamagole 20, adati: “Kale, nimbakhala ninge munthu wofambisa karo pomwe unkudziwalini komwe inkuyenda. Koma kulewenga Baibolo kwanithandiza kukhala na moyo waphindu. Munamalangizo yothandiza yomwe ningakwanise kuyaphatisa basa ntsiku zose.”

Frieda, wa wamagole 20, akufotokoza kuti: “Nenze munthu waukali. Koma ndawa yolewenga Baibolo, nidapfunzira kukhala wodziretsa. Vimwevi vanichitisa kuti nikhale munthu wochezeka, manjeuno nina azishamwali azinji.”

Nkazi munango wa magole 50 wochemerewa Eunice, pa nkhani ya Baibolo adati: “Idanithandiza kuti nikhale munthu wabwino, na kuchinja makhalidwe yomwe ni yoipa.”

Ninge momwe mamidyau yazinji yadaphindulira pa kuwerenga Baibolo, imwembo mukambaiwerengambo idzakuthandizeni kukhala wokondwa pamoyo wanu. (Yesaya 48:17, 18) Pa vinthu vinango, iyo ingakuthandizeni (1) kusalula vinthu mwanzeru, (2) kusalula azishamwali wabwino, (3) kumalisa nkhawa na (4) chabwino kuposha vose ni kuwerenga mawu yochokera kwa Mulungu. Malangizo ya m’Baibolo ni yochokera kwa Mulungu, ndipo mungagumanelini vinthu voipa mukambayatewedza. Mulungu achaperekalini malangizo yoipa.

Ni vophindulisa kupfunzira Baibolo. Ko ninjira ziponi zomwe mungaziphatisire basa mukambayamba kupfunzira?