Wanthu azinji awona kuti ntanda ni chinthu chomwe Akhrisitu pa dziko yose achaphatisa basa. Olo kuti isepanombo wa Mboni za Yahova ndise Akhrisitu tiphatisalini basa ntanda popemphera. Ndawa chani vili teno ?

 Chifukwa chibodzi chakuti Baibolo ichaonesa kuti Yesu alibe kufera pantanda koma adafera pa muti ubodzi wothamuka komasoti Baibolo ichachenjeza Akhrisitu mwamphanvu kuti ‘thawani kutumikira mafano’ yomwe yakuphatanidzapo kuphatisa basa ntanda popemphera.—1 Akorinto 10:14; 1 Yohane 5:21.

 Nivochitisa pomwe chidwi kuti Yesu adati: ‘Mwakuteno, wose adzadziwe kuti ndimwedi opfunzira wangu peno mukukondana.’ (Yohane 13:34, 35) Vomwe Yesu adalewa ivi vinkuoneseratu kuti ateweri wake chaiwo adzadziwike ndawa yowonesana chikondi chayicho, osati kuphatisira basa ntanda panango vizindikiro vinango.