Huo̧jui̧cuä̧ pö̧nä̧ ji̧nä̧ isocu adiunä cu̧huo̧juä̧cha̧ päʼö ppädöʼa̧nö̧ jö̧
Huo̧jui̧pö̧ cu̧jä̧mä̧dä̧cua̧ʼa̧ äʼcanä pi̧nȩ räopö ucuocui, ja̧u̧nu̧ oʼcaʼa VIDEO topi.
ÄCUOMENÄ PÄIʼÖNÄ JÄHUÄ
Ttu̧huo̧juȩtä̧cua̧ʼa̧ äʼcanä, huo̧jui̧cuä̧ pö̧nä̧ttö̧ äcuomenä isojä jähuä katätä ucuocui. Jäecuä pö̧nä̧ númerocu räopöʼinä (A) Dios I̧huȩnȩ Isäʼtättö versículo ȩmä̧huä̧ idicunä räopöʼinä (B) rö̧ȩnä̧ micuäu päʼö jiähuaʼa. Ji̧yȩcu̧nä̧ versículonä “ucuocui” päʼö räopaʼa topi.
TODÄRENÄ PÄIʼÖNÄ JÄHUÄ
“Täcunä tu̧huo̧juä̧chä̧tu̧cua̧” päome äcuomenä isäbänä jiähuaʼa tojäre isojänä räopö ttu̧huo̧juä̧chä̧cuȩ jähuä (C). Isäbä huäme númerocu räopömä rö̧ȩnä̧ micuäu jähuä jiähuaʼa (D). Ucuru huo̧juȩtö̧cu̧ versículo jähuä ucuocui, jäecuä jähuä ädäti, video jähuäʼinä topi.
VIDEOS. Pa̧ʼa̧nö̧ jö̧ o̧ca̧nä̧ räopö tocuʼa päʼöʼinä, cuä̧ju̧cua̧ päʼöʼinä cu̧ʼo̧cui̧ʼä̧cua̧jä̧. Ji̧yȩcu̧nä̧ video iso päiʼönä ʼcuäopinö huȩnȩ i̧jȩpa̧ʼa̧. Koromä tti̧jȩpa̧ päʼötä jȩttö̧ ja̧ʼa̧.
A̧ʼcua̧jui̧yä̧ʼi̧nä̧, ppeyänä räopöʼinä huo̧jui̧pi̧ (E), ja̧ʼhua̧ta̧nö̧ “Yotöcunä päʼätö” päome cu̧huo̧jui̧ʼo̧mȩnä̧ amöcuädi korotörö tta̧ʼa̧nö̧ cuädätöʼa̧nö̧ ja̧ päʼö (F).
HUÄBODÄCUÄ PÄIʼÖNÄ JÄHUÄ
Huo̧jui̧cuä̧mä̧ “Ca̧ca̧ti̧pö̧ ucuocuäcuähuä” päomecu “Cu̧huo̧juä̧chä̧ji̧ jiʼähui” päöcu cädaʼa (G). Huo̧jui̧cuä̧ pö̧nä̧ttö̧ huo̧jui̧pö̧ cäcuhuädö mo̧ro̧ huȩyu̧ti̧. I̧so̧ca̧ “Pi̧yȩ jȩcu̧ʼa̧nö̧ ja̧ʼa̧” päome cua̧ʼcua̧ cu̧huȩnä̧rö̧ böo juoächönä jȩcu̧ʼa̧ päʼö ppädöʼa̧nö̧ jö̧ jittäu räopaʼa (H). “Koroʼinä ka̧ʼa̧” päome koro huo̧jui̧cuä̧ʼi̧nä̧, video jähuäʼinä, ucu cu̧huo̧jui̧ʼa̧ päʼö jö̧ to̧cu̧ʼä̧cua̧jä̧ (I).
Tu̧huo̧juȩtä̧cuȩ jiähuaʼa
|
ʼQuȩʼȩcuä̧ 2 
|
ʼQuȩʼȩcuä̧ 3 
|
ʼQuȩʼȩcuä̧ 4 
|
Huȩyu̧cuä̧ cu̧huo̧jua̧ päʼö |
Dios I̧huȩnȩ Isäʼtänä yaʼate versículo cu̧ʼo̧cui̧ʼa̧ päʼö jȩcu̧ʼa̧nö̧ jö̧
Dios I̧huȩnȩ Isäʼtämä yiʼtätetä ja̧ʼa̧nä̧ 66nö cuyäru oʼtänä ʼquȩʼȩcua̧ʼa̧. To̧mȩrȩnä̧ ʼquȩʼȩcua̧ʼa̧: Hebreos tti̧huȩnȩnä̧ Huȩyu̧cui̧nö̧ oʼtäʼinä, Griegos tti̧huȩnȩnä̧ Huȩyu̧cui̧nö̧ oʼtäʼinä. Yotocunä ttö̧ja̧ oʼätö Antiguo Testamento, Nuevo Testamento päʼö.
Versículos räopomenä, äcuomenä cuyäruʼtä i̧mi̧ʼi̧nä̧ (A), ja̧u̧nu̧ oʼcaʼa capítulo pättöʼinä (B), röjinä versículo pättöʼinä jiähuaʼa (C).
Huȩnȩtö̧ päʼö, Juan 17:3 päomenä pa̧ʼa̧nö̧ ja̧ʼa̧ “Juan cuyäruʼtä, capítulo 17, versículo 3”.
