HUO̧JUI̧CUÄ̧ 4
Yajumä kä’orö’inä, Jeohuarö’inä tteseunä jȩpi̧nä̧ju̧
¿Däje iya päa’attö Jefté Jeohuarömä?
’Quiyina’anä, Jefté ittijumä kä’o iya päinö eseunu jȩpi̧nä̧ju̧
¿Pine ji̧’qui̧cha̧hua̧ju̧ rä’opäjuru cu̧huo̧jua̧’a̧?... Yajumä, ya̧tȩ ubo Jefté pä’ö mi̧cua̧ ittiju. Dios I̧huȩnȩ Isä’tänä yaju ki̧mi̧mä̧ jiähuoca’a. Ja̧’hua̧nö̧ ja̧’a̧nä̧ huo̧juä̧tö̧jä̧ yajumä kä’orö’inä, Jeohuarö’inä tteseunä jȩpi̧nä̧ju̧do. Jeftérö’inä, chutä ittijuru’inä pitö ttötö’cö jähuä, ¿cu̧huo̧jua̧ päcuhua’a?
Jefté adihuä i̧sa̧ pi̧nö̧do, ’cuäopönä mo̧ro̧ Jeohua ötö’cö jähuä ittijuru huo̧juȩti̧nö̧do. Ja̧’hua̧ta̧nö̧ pide ubomä juruhuinö, ttö̧ja̧rö̧ oipäcuähuä adiu huo̧jui̧nö̧do. Ja̧’hua̧nö̧ ja̧’a̧ttö̧ Israel ttö̧ja̧ jättepinäcudo oipatö pä’ö curära̧’a̧ tti̧’cho̧mȩnä̧.
Jefté Jeohuarö jä’epinödo o’ipö ppädarö pä’ö curära̧’a̧ i̧’cho̧mȩnä̧. Jeftémä Jeohuarö pä’inödo pi̧yȩ curättö adiu rädopöttömä chidepiyura̧’a̧ ppa̧dä̧cho̧mȩnä̧ äcuomenäji chojusodettö rä’opörö chi̧yä̧cua̧jä̧ ucu cuojusodenä ö̧ja̧ pä’ö. Jeohua ojusode, i̧sä̧ta̧ttö̧’i̧nä̧, isotö tti̧jȩti̧yu̧ttu̧’i̧nä̧ ’tö̧’ö̧ adicuodenä kö̧mä̧ aditö ö̧ja̧ pä’ö ji̧na̧’a̧ ’corujuoächome jubö. Podenämä ttö̧ja̧ ja̧u̧nu̧ pä̧nä̧mä̧ ’chä̧’i̧nä̧tö̧do isotörö iyö sacerdote huotö ku icu ttiya pä’ö, Diosrö ucuocu ttesehua pä’ö. Jeftémä, ¿curättö a̧’cua̧ri̧’i̧na̧’a̧ ja̧’a̧di̧? A̧’a̧, a̧’cua̧ri̧’i̧nö̧do. Idepiyura̧’a̧ ppa̧huä̧cho̧mȩnä̧mä̧, ¿cu̧huo̧jua̧’a̧ di ji̧na̧’a̧ttö̧ äcuomenäji pide ojusodettö rä’opinömä?...
A̧’a̧, Jefté ittiju. Jitämä, Jeftémä ittijuru huea pä’ö ji̧na̧’a̧ Jeohua ojusodera̧’a̧. Pidemä yajuterötä u̧ju̧nä̧ra̧’a̧ttö̧ a̧’cua̧ tta̧’ȩcui̧nö̧do. Ja̧’hua̧nö̧ ja̧’a̧nä̧ Jeohuarö iya päinö jȩa̧ pä’ö ji̧na̧’a̧. Ja̧’hua̧nö̧ ja̧’a̧ttö̧ ittiju päjinäcudo: “Chä’o, ucu Jeohuarö cuiya päcuhuäjimä jȩcu̧’a̧ pä’ö ja̧’a̧”.
Jefté ittiju kö̧jo̧mȩ kahuaruhuä möäyotö nä̧tö̧ a̧’ȩ jö̧ ta’anö ’chä̧’i̧nä̧tö̧do
Ji̧yȩnö̧ mo̧ro̧ Jefté ittiju’inä ka̧’cua̧ tta̧’ȩcui̧nä̧ju̧. Jeohua ojusodenä kä̧nö̧mä̧ kö’cähua pä’ö’inä, ki̧tti̧mö̧rö̧ ku̧ju̧nä̧ra̧ pä’ö’inä jo̧ca̧’a̧ ji̧na̧’a̧. Ja̧’hua̧nö̧ ja̧’a̧nä̧ Jeohuarö kä’o iya päinö yaju’inä jȩja̧ pä’ö ji̧na̧’a̧. Kirecuorö ȩmä̧huä̧ttö̧’i̧nä̧, ki̧tti̧mö̧rö̧ ku̧nä̧rä̧cuä̧huä̧’ttö̧’i̧nä̧ abonänö micuähuina’ado yajuru Jeohuarö eseunä jȩja̧ pä’ö. Ja̧’hua̧nö̧ ja̧’a̧ttö̧ Jeohua ojusodera̧’a̧ ’chi̧nä̧ju̧do kö̧ja̧ pä’ö ’corujuojächome jubö.
Ucu päcumä, ¿yajumä kä’orö’inä, Jeohuarö’inä tteseunä jȩji̧na̧’a̧ ja̧’a̧di̧? ... A̧’a̧, tteseunä jȩpi̧nä̧ju̧. Ucu’inä, Jeohuarö repecuttumä, hueö ta’anö jȩcu̧’u̧ttu̧mä̧, Jefté ittiju jȩji̧nö̧ ta’anö jȩcu̧’ä̧cua̧jä̧, cuä̧’o̧tö̧’i̧nä̧, Jeohua’inä tteseunä jȩcu̧’ä̧cua̧jä̧.
DIOS I̧HUȨNȨ ISÄ’TÄNÄ TUCUOCUÄTUCUA
