HUO̧JUI̧CUÄ̧ 10
Jesúsmä ’cuäopönätä esetö jȩpi̧nö̧do
Cuä̧’o̧tö̧ huettö jȩcu̧’a̧ pä’ömä, ¿’quiya’a ja̧’a̧di̧?... Koronömä ’quiya’a. ¿Titö huettö jȩi̧na̧’a̧ttö̧ Jesúsmä?... Jä̧’o̧tö̧rö̧’i̧nä̧, Jeohuarö’inä pitö huettö esetö jȩpi̧nö̧do. Ucu’inä koronö jȩcu̧’a̧ päcuhuoca’a jö̧ttö̧mä̧, Jesús jȩi̧nö̧ tocu’omenä, cuä̧’o̧tö̧ huettö ta’anö jȩcu̧’a̧nö̧ ja̧’a̧. Jesús jȩi̧nö̧ ötö’cö jähuä totätucua.
Pi̧jä̧ rȩjȩra̧’a̧ ichäcua’a ä’canämä, Jesúsmä mo̧ro̧jä̧ra̧’a̧ Jä’o Jeohuacu ki̧nö̧do. Ja̧’hua̧nö̧ ja̧’a̧nä̧ po pi̧jä̧ rȩjȩnä̧ ö̧ji̧nö̧ pä̧nä̧mä̧ jä̧’o̧tö̧rö̧ ku̧nä̧ri̧nö̧do. Jä’o José pä’ö micuinödo, ja̧ju̧ María pä’ö micuinäjudo. ¿Tocu jö̧nä̧ Jesús jä̧’o̧tö̧ pätti’ina’attö?...
Jeohuamä, ttö̧ja̧ ttieru juäi jȩpö̧, Jesús a̧’cua̧rö̧ ȩmö̧ María ku̧cuä̧ba̧ jacuä ȩnö̧ ku̧ni̧nö̧do, Jesús pi̧jä̧ rȩjȩra̧’a̧ uhuäpächa pä’ö. María ku̧cuä̧ba̧ jacuättö, korotö tti̧tti̧mö̧ ttu’uttächö ta’anö pöttächinödo Jesúsmä, nuevenö kä̧hua̧tö̧ päi’omenä uhuäpächinödo. Ja̧’hua̧nö̧ Jesúsmä ku̧nä̧ri̧nö̧do ja̧ju̧ru̧. Ja̧’hua̧nö̧ ja̧’a̧ttö̧ paju kirecuo Josémä, Jesús jä’o pä’i’inödo pi̧jä̧ rȩjȩttö̧.
Täcö docenö a̧’ȩ u̧ju̧nä̧ro̧mȩnä̧ Jesúsmä ji̧yȩtȩ jȩpi̧nö̧do Jä’o Jeohua I̧huȩnȩ ä̧ju̧cua̧ pä’ö, pi̧yȩnä̧ i̧jȩpi̧nö̧do Jä’orö repeö huȩnȩ. Pi̧yȩmä̧ ’cuäopina’a Jesús ahuaruhuäcu Jerusalén ötahuiyära̧’a̧ tti̧’cho̧mȩnä̧ Jeohuarö ucuotö ttesehua pä’ö. Ttojusodera̧’a̧ ppa̧ttä̧cho̧mȩnä̧ Josécu, Maríacu jitötä ttö̧ja̧cuo̧mȩ ttusi’omenä Jesúsru po̧cui̧po̧co̧tö̧ pi̧nä̧tö̧do. Ja̧’hua̧nö̧ ja̧’a̧ttö̧ José, Maríacumä, ¿däje jȩtti̧na̧’a̧ttö̧?...
¿Däje jȩi̧na̧’a̧ttö̧ Jesúsmä Diosrö ucuocuäcuähuode jacuättömä?
Yotäcu ppa̧’ä̧chä̧chi̧nä̧tö̧ Jerusalén ötahuiyära̧’a̧ Jesúsru ttusa pä’ö. Yoröiso ja̧u̧ru̧ ttö̧’o̧cui̧’o̧ca̧’a̧ttö̧ rö̧ȩnä̧ tta̧’cua̧ ro’ecuinätödo. Huäbodäcuä mo̧ro̧ päi’omenä Diosrö ucuocuäcuähuode jacuättö ttö̧’o̧cui̧’i̧nä̧cu̧do. Juhuode jacuättömä, ¿däje jȩi̧na̧’a̧ttö̧ Jesúsmä?... Podettö Jeohua I̧huȩnȩ ä̧ju̧cui̧nö̧do. Jä’orö repea’attö eseunä jȩa̧ pä’inödo. A̧’u̧cuä̧i̧ jȩi̧nö̧ ta’anö böo juo’inö’ca̧’i̧nä̧ esetö jȩpö̧ ki̧nö̧do. ’Cuäopönätä Jeohuarö pä̧huä̧ rö̧jö̧tä̧ jȩpö̧ ki̧nö̧do ttö̧ja̧ Churutä suronä jȩtta̧’a̧nä̧’i̧nä̧. Jesúsmä, ¿Josérö’inä, Maríarö’inä huettö jȩi̧na̧’a̧ ja̧’a̧di̧?... A̧’a̧, Dios I̧huȩnȩ Isä’tä päa’a ja̧’hua̧nö̧tä̧ jȩpi̧nö̧do.
Jesús jȩi̧nö̧ttö̧mä̧, ¿däje cu̧huo̧jui̧’ö̧’a̧nö̧ ja̧’a̧ttö̧?... cuä̧’o̧tö̧ huettö ta’anö jȩcu̧’a̧ pä’ö ja̧’a̧ ’quiya’anä’inä. Pi̧yȩmä̧ rö̧ȩnä̧ micuähua’a. ¿Jȩcu̧’a̧nö̧ ja̧’a̧di̧?...
DIOS I̧HUȨNȨ ISÄ’TÄNÄ TUCUOCUÄTUCUA
