Ya’ate ruhuo pi̧jä̧ o’ca juiyö kä̧cuȩ mo̧ro̧ tö’cöhuächa’a. ¿Ti̧yȩ ja̧’a̧ttö̧ pi̧yȩ ruhuomä?... A̧’a̧, Dios Uruhuotä ja̧’a̧. Pi̧yȩ ruhuomä jȩä̧cua̧’a̧ pi̧jä̧ rȩjȩ a̧’cua̧cu̧nä̧. ¿Pi̧yȩ ruhuo ötö’cö jähuä juhua’a yabocu cu̧huo̧jua̧ päcuhua’a?...

Ya’ate ruhuo pö̧nä̧ ya̧tȩ ru̧hua̧ kö̧. Pide ru̧hua̧mä̧ o’ca toi’onä i̧rȩjä̧nä̧ ka̧cuä̧tö̧rö̧ hue’ö. ¿Cu̧huo̧jua̧’a̧ pi̧yȩ Dios Uruhuonä hue’örömä?... A̧’a̧, Jesucristotä ja̧’a̧. Ja̧u̧mä̧ mo̧ro̧jä̧ra̧’a̧ kö̧. Yodojinänö pi̧jä̧ pa̧ja̧cu̧nä̧ ka̧cuä̧tö̧rö̧ huȩä̧cua̧. Pide Jesús pi̧jä̧ o’ca juiyö hueomenämä, ¿eseu tö̧ja̧cuä̧cua̧’a̧ ja̧’a̧di̧?...

A̧’a̧, eseu tö̧ja̧cuä̧cuo̧tö̧jä̧. Pi̧jä̧ rȩjȩ a̧’cua̧cuä̧cho̧mȩnä̧ ttö̧ja̧mä̧ täcö curära̧’a̧ rohuäu tti̧’chi̧yä̧cuo̧tö̧. Ja̧’hua̧ta̧nö̧ korotö korotönöcu rohuäu pättä’chäcuähuiyäcuotö. Ya̧tȩ’i̧nä̧ na̧huä̧chi̧yä̧cua̧, ya̧tȩ’i̧nä̧ ’corujuoächi̧yä̧cua̧. Jitä pä̧nä̧ a̧to̧cä̧tö̧mä̧ tottäcuotö, järiyähuätö’inä ttä̧ju̧cuä̧cuo̧tö̧. Ttö̧ja̧ cue’ächocotömä cuettächäcuotö, tittäcuotö. Oʼca toiʼönä rö̧ȩnä̧ cuäcuähuä ttu̧ju̧nä̧rä̧cuo̧tö̧. Deʼa isotöʼinä korotö deʼa isotöcu ttörohuähuiyäcuotö, pitö ujutucu ttöärehuäcuotö yettecuoca’a. ’Corujuo’ächinätömä ttottächäcuotö. U̧mä̧tö̧’i̧nä̧, nä̧tö̧’i̧nä̧ pi’tänä cu̧huo̧jui̧’ä̧u̧ttu̧, Rebeca, Rahab, David, Elías,  korotö’inä ttottächäcuotö. ¿Iso päi’önä pitörö ttottächö mo̧ro̧ tocu’a päcuhua’a?...

Ucuru Jeohuamä rö̧ȩnä̧ repe’ö, pä̧huä̧ rö̧jä̧cu̧ eseu cu̧ja̧ pä’ö. Jeohua ötö’cö jähuä ’cuäopönä huo̧jui̧pö̧, Chutä päö ta’anö jȩpö̧ cu̧ju̧ttu̧mä̧, pi̧jä̧ rȩjȩ a̧’cua̧cuä̧jä̧nä̧ ’cuäopönä cu̧jä̧cua̧jä̧. ¿Pa̧’a̧nö̧ jo̧mȩ cu̧ja̧ päcuhua’a?...