Abrahán ahuaruhuä o’cotörö Dios ȩmi̧nö̧ adiu juȩ’ȩpä̧rö̧ oipa pä’ö, ja̧’hua̧ta̧nö̧ hueähuä huȩnȩ’i̧nä̧ iyinödo. Pitö ttö̧ja̧rö̧ Israel pä’ö o’inödo. Pitötä ji̧na̧’a̧ iso päi’önä Diosrö esetö ucuotinätömä, Dios I̧huȩnȩ huȩyu̧tu̧ ttötinö tta̧’ä̧ri̧nä̧tö̧’i̧nä̧ (Romanos 9:4). Pitö adiu jȩtti̧nö̧mä̧, pi̧jä̧ pa̧ja̧cu̧nä̧ ka̧cuä̧tö̧rö̧ ppädö’a̧nö̧ ja̧’a̧. Hechos 3:25 ucuocui.

Dios ȩmi̧nö̧do Israel ttö̧ja̧rö̧ Chutä ötö’cö jähuä korotörö jittähua pä’ö. Pitö jȩtti̧nö̧mä̧ i̧jȩpa̧’a̧ Diosttö hueähuä huȩnȩ päö ta’anö jȩtto̧mȩnä̧mä̧ adiu ka̧cuä̧tö̧ ttö̧ja̧mä̧ (Deuteronomio 4:6). Korotömä, Israel ttö̧ja̧rö̧ topö iso päi’önä Diosrötä ttu̧huo̧ju̧’a̧nö̧ ji̧na̧’a̧. Ja̧’hua̧nö̧ ja̧’a̧ttö̧ jahuätörö pä’inödo: “Ucututä ja̧’a̧ ttö chötö’cö jähuä ji̧’ä̧huä̧rä̧tö̧mä̧ – pi̧yȩ pä’ö Jeohuamä – ucumä ttö chö̧mö̧huä̧ya̧jä̧, ttö chȩmi̧nä̧cu̧jä̧, ttörö ttu̧huo̧jua̧ pä’ö’inä, tta̧’cua̧ ttu̧huȩnä̧ra̧ pä’ö’inä” (Isaías 43:10, 12).

Jeohuamä, Israel ttö̧ja̧rö̧ ya’ocu Cristorö esetätörö ȩmi̧nö̧do, Chutä umöhuäyotö pätti’a pä’ö (Mateo 21:43; 23:37, 38). Ja̧’hua̧nö̧ ja̧’a̧ttö̧, jitä pä̧nä̧mä̧ Cristorö iso päi’önä esetätömä Jeohua ötö’cö jähuä korotörö ji’ähuätö, Israel ttö̧ja̧mä̧cö̧. Hechos 15:14, 17 ucuocui.

Jesús umöhuäyotörö o’ipö hue’ipinödo Dios I̧huȩnȩ jittähua pä’ö korotö ttö̧ja̧rö̧ pi̧jä̧ pa̧ja̧cu̧nä̧, Jesús jȩi̧nö̧ ta’anö jȩpö̧ ttu̧huo̧juȩta̧ pä’ö’inä (Mateo 10:7, 11; 24:14; 28:19, 20). Jitä pä̧nä̧mä̧, röji mo̧ro̧ ka̧cuä̧tö̧jä̧, Dios I̧huȩnȩ ji’ähuätöjä ä’coji jitähuinomettö’inä abonänö. Jeohuamä, pi̧jä̧ pa̧ja̧cu̧nä̧ ttö̧ja̧ttö̧ recuätörö ca̧ca̧tö̧, Diosrö pä̧huä̧ rö̧jö̧ iso päi’önä jȩpä̧tö̧cu̧ ttö̧ja̧cua̧ pä’ö (Apocalipsis 7:9, 10). Ji̧nä̧ yo̧mȩtȩ kä̧nö̧, iso päi’önä Cristorö esetätömä eseu ppättädäcuäu’a̧nö̧ ja̧’a̧. Ca̧ca̧cuä̧rö̧ ji̧nä̧ ji̧yȩtȩ jähuätä huo̧jui̧pä̧tö̧, Dios I̧huȩnȩ Isä’tättö ȩmö̧ rättepötä. Hebreos 10:24, 25 ucuocui.

Testigo Jeohua ttaditähuämä 1870 a̧’ȩnä̧ kä̧mä̧di̧na̧’a̧. Yotöte a̧’u̧cu̧nä̧tä̧ huotö Dios I̧huȩnȩ Isä’tä huo̧jui̧pö̧ iso päi’önä huȩnȩ po̧cui̧pö̧ kä̧mä̧di̧nä̧tö̧do. Pi̧yȩ huȩnȩmä̧ recuo mo̧ro̧ dajicuähua’a ki̧na̧’a̧do. Huo̧jui̧nä̧tö̧do Jesús umöhuäyotörö hueipinö huȩnȩmä̧. Ja̧’hua̧nö̧ ja̧’a̧ttö̧ pi̧jä̧ pa̧ja̧cu̧nä̧ Dios Uruhuo ötö’cö jähuä ji’äu kä̧mä̧di̧nä̧tö̧do, korotö ttu̧huo̧jua̧ pä’ö. Testigo Jeohua pä’ö o’ähuinätödo 1931 a̧’ȩnä̧. Hechos 1:8; 2:1, 4, 11; 5:42 ucuocui.

Jesús ’corujuoächinö o’ca’a, yotöte a̧’u̧cu̧nä̧tä̧ huotö ka̧cui̧nä̧tö̧do korotö o’ca toi’önä Cristorö esetinätörö o’ipö juȩttȩpä̧ra̧ pä’ö. Pitö o’ca toi’önä Jesúsru topinätödo Ttu̧ru̧hua̧ päi’önä (Hechos 16:4, 5). Ja̧u̧nu̧ pä̧nä̧ ji̧nö̧ ta’anö, jitä pä̧nä̧’i̧nä̧ yotöte a̧’u̧cu̧nä̧tä̧ huotö ka̧cuä̧tö̧, pitörö o’ätöjä Testigo Jeohua huotörö O’ipö Juȩ’ȩpä̧rä̧tö̧ pä’ö. Pitö u̧mä̧tö̧mä̧ ttamönä ’qui’ächätö, Dios I̧huȩnȩ jähuä huo̧ju̧nä̧ ucuocuätö, pi̧jä̧ pa̧ja̧cu̧nä̧ Sucursales ka̧cu̧’i̧nä̧ o’ipö juȩ’ȩpä̧rä̧tö̧. Pi̧yȩ rättepö odehuiyänämä, 700 jo̧mȩ abonänö tti̧huȩnȩ pö̧nä̧ cuyäru o’tä Dios I̧huȩnȩ Isä’tättö ȩmö̧ rä’epätö,  *pi̧yȩ rä’epö iyätö. Pitömä Dios I̧huȩnȩ Isä’tättö ȩmö̧ o’ipö ppä’ädätö cien mil jo̧mȩ abonänö congregación. Pi̧yȩ congregaciónä’inä u̧mä̧tö̧ ka̧cuä̧tö̧ Diosrö esetätörö repe’önö ppättäda pä’ö. 1 Pedro 5:2, 3 ucuocui.

Testigo Jeohua ji̧nä̧ ji̧yȩtȩ jähuätä aditätöjä. Jesús hue’ähuotö jȩtti̧nö̧ ta’anö, odehuiyä pö̧nä̧ adihuä huȩnȩ Dios I̧huȩnȩ Isä’tättö ȩmä̧hua̧’a̧ ji’ähuätöjä (Hechos 5:42). Ja̧’hua̧ta̧nö̧, iso päi’önä huȩnȩ ttu̧huo̧jui̧’a̧ pä’ätörö huo̧juȩtä̧tö̧jä̧. Korotö korotöcu repe’äcuähuätöjä tamönä tahuaruhuärö repetö ta’anö. Tä’o mo̧ro̧jä̧ra̧’a̧ kö̧mä̧ o’ca toi’önärö tta̧’ä̧rö̧ (2 Tesalonicenses 1:3). Dios iso päi’önä umöhuäyotömä adiu jȩta̧ pä’ö juruhuächätöjä Dios eseu ö̧ja̧ pä’ö. Ja̧’hua̧ta̧nö̧, korotörö ppä’ädätöjä. Ja̧’hua̧nö̧ jȩta̧’a̧ttö̧, korotöttö’inä abonänö eseu ka̧cuä̧tö̧jä̧. 1 Pedro 2:9; Hechos 20:35 ucuocui.