“Adiu jȩpä̧tö̧’i̧nä̧, suronä jȩpä̧tö̧’i̧nä̧ corupätti’ö o’ca’a ttottächäcuotö” (Hechos 24:15, Tä̧do̧ Ä̧cua̧ I̧huȩnȩ).

ʼCorujuotächäcuaʼa päʼö amöcuädö abo ʼcuäoʼiönä yetecu juiya päʼö ppädaʼa  (Hebreos 2:15).

Tahuaruhuä ʼcorujuoʼächinätörö päʼäji taʼanö totäcuotöjä päʼö iso päiʼönä i̧jȩpö̧ jähuä ka̧ʼa̧ttö̧ esetö tta̧ʼä̧rä̧tö̧jä̧ (Juan 5:28, 29).

A̧ʼa̧, huäbodäcuä jo̧mȩnä̧ ka̧ʼa̧:

• Oʼca toiʼönärö tta̧ʼcua̧rö̧ iyömä Dios ja̧ʼa̧. Dios I̧huȩnȩ Isä’tänä päa’a Jeohua Dios “o’ca toi’önärö ttö̧jö̧’i̧nä̧, ttami yuppa’inä, o’ca juiyönä iyö” (Hechos 17:24, 25; Salmo 36:9). Pi̧jä̧nä̧ kä̧tö̧rö̧ o’ca toi’önärö tta̧’cua̧rö̧ iyina’attö huo̧juä̧tö̧jä̧ ʼcorujuoʼächinätörö tta̧’cua̧rö̧ ppa̧huä̧da̧ päʼö Ja̧u̧tä̧ ja̧’a̧ ujuru ku̧nä̧rö̧mä̧.

• Mo täbocö Dios yotöcunärö ttoʼädinö. Dios I̧huȩnȩ Isä’tänä jiähuaʼa 8nö huotörö ttoädinö huȩnȩ: möäyotörö’inä, böäcuächätörö’inä, u̧mä̧tö̧rö̧’i̧nä̧, nä̧tö̧rö̧’i̧nä̧. Ttoächäjäʼcotö pi̧jä̧ rȩjȩnä̧ ka̧cui̧nä̧tö̧. Yotöcunärö ʼcorupättiʼaʼattömä recuo ʼcuäopocaʼa ttoädinä̧u̧, ja̧ʼhua̧nö̧ ja̧ʼa̧nä̧ ya̧tȩ ubo ʼcorupäiʼajaʼattömä pa̧ja̧cuä̧nö̧ mo̧ro̧ ʼcuäopäjiʼca ttoädinäcu (Juan 11:39-44).

• Diosmä rö̧ȩnä̧ pä̧huä̧ rö̧jä̧cu̧ ʼcorujuoʼächinätörö ttoäda päʼö. Jeohuamä juiyo kö’cocö ʼcorujuoächäcuähuä, a̧bo̧i̧ya̧ jä̧ʼi̧nö̧ʼa̧nö̧ jö̧nä̧ toaʼattö (1 Corintios 15:26). Ja̧u̧mä̧ rö̧ȩnä̧ pä̧huä̧ rö̧jä̧cu̧ pide a̧bo̧i̧ya̧rö̧ si’epö icua pä’ö. Pi̧yȩ iso juo̧ȩpä̧cua̧ ʼcorujuoʼächinätörö ttoädomenä. Jeohua juiyo pä̧huä̧ rö̧jä̧cu̧ a̧mö̧cuä̧rä̧u̧ru̧ ttoäda päʼö pi̧jä̧ rȩjȩnä̧ ttö̧ja̧cuä̧cua̧ʼa̧nö̧ (Job 14:14, 15).