“Ttajuähuomenä, Dios ttö’äre ʼca̧huä̧cua̧. Täcö ʼcorupäi’äcuähuä’inä, ajuäcuähuä’inä, tta̧’cua̧ tta̧huȩcuä̧cuä̧huä̧’i̧nä̧, ubara ttuhuähuä’inä juiyäcua’a. O’ca juiyönä pä’äji ka̧cui̧nö̧mä̧ ʼcuäopina’a” (Apocalipsis 21:4, Tä̧do̧ Ä̧cua̧ I̧huȩnȩ).

Taditähuä adiutä teseunä jȩö̧ tu̧ju̧nä̧rä̧cuo̧tö̧jä̧ (Isaías 65:21-23).

Ubara ttuhuähuä’inä, na̧huä̧chä̧cuä̧huä̧’i̧nä̧ juiyäcuaʼa (Isaías 25:8; 33:24).

Tahuaruhuäcu ji̧nä̧ yo̧mȩtȩ ʼcuäopönätä eseunu tö̧ja̧cuä̧cuo̧tö̧jä̧ (Salmo 37:11, 29).

A̧ʼa̧, todäre jo̧mȩnä̧ ka̧ʼa̧:

• Diosmä ujuru ku̧nä̧rö̧ pi̧yȩ jȩa̧ pä’ömä. I̧huȩnȩ Isä’tänämä päa’a “o’ca juiyönä Ju̧ru̧hua̧mä̧” Diostä ja̧’a̧, ujuru yoröiso beichococö (Apocalipsis 15:3). Ja̧’hua̧nö̧ ja̧’a̧ttö̧ huo̧juä̧tö̧jä̧, iya päömä iso päi’önä jȩä̧cua̧, pi̧jä̧ rȩjȩ rö̧ȩnä̧ adihuome päi’önä pärotö i̧cuä̧cua̧. Dios I̧huȩnȩ Isä’tä päö ta’anö “Ya̧tȩtä̧ Diostä o’ca juiyönä jȩpö̧, o’ca juiyönä jȩa̧’a̧ttö̧” (Mateo 19:26).

• Dios jȩä̧cuȩ päinö jȩa̧ päʼö pä̧huä̧ rö̧jä̧cu̧. Dios I̧huȩnȩ Isä’tä päa’a Jeohuamä rö̧ȩnä̧ pä̧huä̧ rö̧jä̧cu̧ ʼcorujuoʼächinätörö ttoäda pä’ö (Job 14:14, 15).

  Ja̧’hua̧ta̧nö̧ päa’a Dios I̧tti̧’i̧nä̧, Jesús, na̧’ä̧chä̧tö̧rö̧ aditö icuinö. ¿Tta̧’a̧nö̧ pä’ö jȩi̧na̧’a̧ttö̧? Churutä pä̧huä̧ rö̧ja̧’a̧ttö̧ jȩpi̧nö̧do (Marcos 1:40, 41). Ttö̧ja̧ recuä rö̧jä̧u̧ru̧ Jesús’inä ʼcuäopönätä ppä’ädinödo, Diosrö pä̧huä̧ rö̧jö̧tä̧ jȩpi̧nö̧do. Pi̧yȩ jȩo̧mȩnä̧ huäjunä i̧jȩpi̧nö̧ Jä’omä recuä rö̧jä̧u̧ru̧ ppäda pä̧huä̧ rö̧jä̧cu̧ päʼö (Juan 5:19).

  Ja̧’hua̧nö̧ ja̧’a̧ttö̧ huo̧juä̧tö̧jä̧, Jeohua’inä, Jesús’inä pä̧huä̧ rö̧jä̧u̧ ujuturu ppättäda pä’ö, eseunu tö̧ja̧cua̧ pä’öʼinä (Salmo 72:12-14; 145:16; 2 Pedro 3:9).