¿Däjettö ucuru Dios I̧huȩnȩ Isäʼtämä?
¿Ucu päcumä ...
-
... piʼtä cuyäruʼtänä ka̧cu̧mä̧, ttö̧ja̧ i̧sa̧ amöcuädö ja̧ʼa̧di̧?
-
... täbocö yapare huȩnȩ tti̧huȩyu̧ti̧näʼtä jähuä ja̧ʼa̧di̧?
-
... Dios amöcuädö ja̧ʼa̧di̧?
DIOS I̧HUȨNȨ ISÄʼTÄ PÄÖMÄ
“Oʼca juiyönä adihuä Huȩyu̧cuä̧ Huȩnȩ Dios iyinö” (2 Timoteo 3:16, Tä̧do̧ Ä̧cua̧ I̧huȩnȩ).
PI̧YȨ HUȨNȨ, ¿TOCU PPÄDAʼATTÖ?
Pi̧jä̧nä̧ kä̧nö̧ jätecu iso päiʼönä ädätäcuähuä tö̧ʼo̧cui̧ʼä̧cuo̧tö̧jä̧ (Proverbios 2:1-5).
Mo̧ro̧ jö̧ taʼanö adiu jȩtö̧nä̧ ppädäcuaʼa (Salmo 119:105).
Eseunu tta̧tä̧rä̧cuo̧tö̧jä̧ täʼca ja̧ʼa̧cu̧ jähuämä (Romanos 15:4).
DIOS I̧HUȨNȨ ISÄʼTÄNÄ PÄÖMÄ, ¿ISO PÄIʼÖNÄ TESETÖʼA̧NÖ̧ JA̧ʼA̧DI̧?
A̧ʼa̧, huäbodäcuä jo̧mȩnä̧ ka̧ʼa̧:
-
Yoröiso toʼojicu pähuächocaʼa. U̧mä̧tö̧ cuarentanö huotö jo̧mȩnä̧, mo täbocö Dios I̧huȩnȩ Isäʼtä huȩyu̧ti̧nä̧tö̧, mil seiscientos a̧ʼȩ jo̧mȩnä̧. Pitöttö yotöcunä tottäcuähuocaʼa ja̧ʼa̧nä̧, jahuätömä yoröiso ji̧ʼqui̧cha̧nö̧ʼi̧nä̧ toʼojicumä huȩyu̧to̧co̧tö̧ pi̧nä̧tö̧do, ji̧yȩtȩ jähuätä ucuocuinätö.
-
Iso päiʼönä ʼcuäopinö huȩyu̧ti̧nä̧tö̧ Dios umöhuäyotömä. Täbocö ʼcuäopinö huȩyu̧tä̧tö̧mä̧, tti̧rȩjä̧ ttö̧ja̧ curä rohuäu ttijuiyuhuinö ötöʼcö jähuämä ji̧yȩtȩ pö̧nä̧tä̧ jiʼähuätö. Ja̧ʼhua̧nö̧ ja̧ʼa̧nä̧, Dios I̧huȩnȩ Isäʼtä huȩyu̧ti̧nä̧tö̧mä̧ ttamönä surojö jȩtti̧nö̧ʼi̧nä̧, tti̧rȩjä̧ ttö̧ja̧ surojö jȩtti̧nö̧ʼi̧nä̧ jiʼähuinätödo (Hechos 7:51-53; Gálatas 1:13).
-
ʼCuäopönätä, Dios I̧huȩnȩ Isäʼtä päömä ʼcuäopaʼa. 700 a̧ʼȩ jo̧mȩnä̧ʼi̧nä̧ abonänö ʼcuäopäcuaʼa äʼcanä, Judá rȩjȩttö̧ Belén ji̧ʼqui̧cho̧mȩ ötahuiyättö Mesías u̧huä̧pä̧chä̧cua̧ päʼö Dios I̧huȩnȩ Isäʼtänä huȩyu̧cui̧na̧ʼa̧ (Miqueas 5:2). Ja̧ʼhua̧nö̧ ja̧ʼa̧ttö̧mä̧, ¿torö uhuäpächinaʼattö Mesíasmä? ¡Belén ji̧ʼqui̧cho̧mȩ ötahuiyättötä uhuäpächinö! (Mateo 2:1-6).
Rö̧ȩnä̧ koro Dios I̧huȩnȩ Isäʼtänä huȩyu̧cuä̧ʼi̧nä̧ ʼcuäopinaʼa, ji̧ʼqui̧cha̧nö̧ʼi̧nä̧ ki̧o̧ca̧ʼa̧ ji̧na̧ʼa̧. Dios I̧huȩnȩ ja̧ʼa̧ttö̧ ja̧ʼhua̧nö̧ ʼcuäopa päʼötä tta̧ʼä̧rä̧tö̧jä̧, ¿iso di̧? (2 Pedro 1:21).
JÄʼECUI
Dios I̧huȩnȩ ttörömä, ¿tta̧ʼa̧nö̧ ppädöʼa̧nö̧ ja̧ʼa̧ttö̧?
Cu̧ʼo̧cui̧ʼö̧ʼa̧nö̧ ja̧ʼa̧ pi̧yȩmä̧ ISAÍAS 48:17, 18nä; 2 TIMOTEO 3:16, 17näʼinä.
Puede que también le interese
ESSENTIAL BIBLE TEACHINGS
¿Tocu jö̧nä̧ ta̧ʼcua̧ tu̧huȩnä̧rö̧ʼa̧nö̧ ja̧ʼa̧ttö̧ Dios I̧huȩnȩ Isäʼtänä päömä?
Dios I̧huȩnȩ Isäʼtä u̧ru̧hua̧ iso päiʼönä Dios jö̧ttö̧mä̧, piʼtämä koro oʼtättöʼinä i̧mi̧cu̧nä̧ ja̧ʼa̧nö̧ ja̧ʼa̧.
UJUTU TÖTÖʼCÖ
¿Tta̧’a̧nö̧ pä’ö tu̧huo̧jui̧’a̧ pä’ö ja̧’a̧ttö̧ Dios I̧huȩnȩ Isä’tämä?
Dios I̧huȩnȩ Isä’tämä pi̧jä̧ pa̧ja̧cu̧nä̧ rö̧ȩnä̧ recuätö ttö̧ja̧rö̧ ppäda’a. Pi̧jä̧nä̧ kä̧nö̧ juiyo jättecu, ädätäcuähuä ttö̧’o̧cui̧’a̧ pä’ö ppäda’a. ¿Ucu’inä cu̧’o̧cui̧’a̧ päcuhua?
UJUTU TÖTÖʼCÖ
Dios I̧huȩnȩ Isä’tä cu̧huo̧jui̧’a̧ pä’ö jä’epitö
Micuä juiyönä Dios I̧huȩnȩ Isä’tättö iso päi’önä huȩnȩ huo̧jui̧pi̧. ¿Torö cu̧huo̧jui̧’a̧ päcuhua’attö? ¿Däje horanä cu̧huo̧jui̧’a̧ päcuhua’attö? Isojänä ji’ähuitö.
