¿Cu̧huo̧juä̧chä̧ji̧mä̧ cujöʼcaʼa?
Dios Ihuȩnȩ Isäʼtä ötöʼcö jähuä, ¿juhuaʼa yabocu cu̧huo̧jua̧ päcuhuaʼa?
Piʼtänä cu̧huo̧juä̧chä̧ji̧ttö̧ʼi̧nä̧ juhuaʼa yabocu cu̧huo̧juä̧chö̧ʼa̧nö̧ ja̧ʼa̧, cuyäruʼtä ’Cuäopönä eseunu kä̧hui̧ Dios I̧huȩnȩ ttu̧huo̧juȩto̧mȩnä̧ ttucuocuäcuähua päʼö jö̧ päʼö micuäʼtänä.
Cuyäruʼtäʼinä, huo̧juȩcuä̧ʼi̧nä̧ mippoönätä ja̧ʼa̧. Dios I̧huȩnȩ Isäʼtä jähuä, päcu horanä cujöʼcomettöʼinä tu̧huo̧juȩta̧ päʼätöjä.
Juhuäʼtänä pi̧yȩ jähuä cu̧huo̧jui̧ʼä̧cua̧jä̧:
¿Tocu päʼö pi̧jä̧ rȩjȩnä̧ tö̧ja̧ʼa̧ttö̧?
Ta̧ʼcua̧ jacuänä eseu tö̧ja̧ päʼö, ¿däje jȩtö̧ʼa̧nö̧ ja̧ʼa̧ttö̧?
Ttamönä ttahuaruhuäcu, ¿tta̧ʼa̧nö̧ eseu ttö̧jö̧ʼa̧nö̧ ja̧ʼa̧ttö̧?
Täʼca ja̧ʼa̧cu̧ ʼcuäopä̧cuȩ jähuä, Dios I̧huȩnȩ Isäʼtä, ¿däje jiähuaʼattö?
Cuyäruʼtä ja̧u̧nu̧ oʼcaʼa ichäʼtä cu̧ju̧nä̧ra̧ päʼöʼinä, juhuaʼa yabocu Dios I̧huȩnȩ Isäʼtä cu̧huo̧jui̧ʼa̧ päʼöʼinä ya̧tȩ Jeohua ötöʼcö jähuä jiäcuähuä i̧sa̧cu̧ ucuocui, ja̧ʼhua̧nö̧ jo̧ca̧ʼa̧ jö̧ttö̧mä̧ jw.org isojänä huȩyu̧tu̧ jäʼepi.
