Huo̧jui̧cuä̧ pö̧nä̧ ji̧nä̧ isocu adiunä cu̧huo̧juä̧cha̧ päʼö ppädöʼa̧nö̧ jö̧
Piʼtä ya̧tȩ huo̧juȩcuä̧ i̧sa̧cu̧ huo̧jui̧pi̧. Piʼtä iyäjirö u̧huo̧juȩta̧cu̧ päʼö jäʼepirö, ja̧ʼhua̧nö̧ jo̧ca̧ʼa̧ jö̧ttö̧mä̧ jw.org internet isojänä ttu̧huo̧juȩta̧cu̧ päʼö huȩyu̧tu̧ jäʼepi.
ÄCUOMENÄ PÄIʼÖNÄ JÄHUÄ
Oʼca juiyönä obä ucuocui. Jäecuä pö̧nä̧ númerocu räopaʼa (A) Dios I̧huȩnȩ Isäʼtä päö taʼanö huȩyu̧cua̧ʼa̧ versículo idicunä räopömä (B) rö̧ȩnä̧ micuäu jiähuaʼa. Ji̧yȩcu̧nä̧ versículonä ttucuocua päʼö hueaʼa räopaʼa topi.
TODÄRE PÄIʼÖNÄ JÄHUÄ
“Täcunä tu̧huo̧juä̧chä̧tu̧cua̧” päome äcuomenä isäbänä jiähuaʼa ja̧u̧nu̧ oʼcaʼa huo̧jui̧cuä̧ jähuä (C). Isäbä huäme númerocu räopömä rö̧ȩnä̧ micuäu jähuä jiähuaʼa (D). Versículo jähuä ucuocui, jäecuä jähuä ädäti, video jähuäʼinä topi (E).
A̧ʼcua̧jui̧yä̧ʼi̧nä̧, ppeyänä räopöʼinä huo̧jui̧pi̧ (F), ja̧ʼhua̧ta̧nö̧ “Yotöcunä päʼätö” päome cu̧huo̧jui̧ʼo̧mȩnä̧ amöcuädi tta̧ʼa̧nö̧ cuädätöʼa̧nö̧ ja̧ päʼö (G).
HUÄBODÄCUÄ PÄIʼÖNÄ JÄHUÄ
Huo̧jui̧cuä̧mä̧ “Ca̧ca̧ti̧pö̧ ucuocuäcuähuä” päomecu “Cu̧huo̧juä̧chä̧ji̧ jiʼähui” päöcu cädaʼa (H). Huo̧jui̧cuä̧ pö̧nä̧ttö̧ huo̧jui̧pö̧ cäcuhuädö mo̧ro̧ huȩyu̧ti̧. I̧so̧ca̧nä̧ “Pi̧yȩ jȩcu̧ʼa̧nö̧ ja̧ʼa̧” päome cua̧ʼcua̧ cu̧huȩnä̧rö̧ böo juoächönä jȩcu̧ʼa̧ päʼö ppädöʼa̧nö̧ jö̧ jittäu räopaʼa (I). “Koroʼinä ka̧ʼa̧” päome koro huo̧jui̧cuä̧ʼi̧nä̧, video jähuäʼinä, ucu cu̧huo̧jui̧ʼa̧ päʼö jö̧ to̧cu̧ʼä̧cua̧jä̧ (J).
Dios I̧huȩnȩ Isäʼtänä yaʼate versículo cu̧ʼo̧cui̧ʼa̧ päʼö jȩcu̧ʼa̧nö̧ jö̧
Versículos räopomenä cuyäruʼtä i̧mi̧ʼi̧nä̧ (A), capítulo pättöʼinä (B), versículo pättöʼinä jiähuaʼa (C). Juan 17:3 päomenä päʼö päaʼa “Juan cuyäruʼtä, capítulo 17, versículo 3”.
