“Pi̧jä̧ jähuänä ka̧cuä̧tö̧rö̧ hue’ö ähuettämä” (1 Juan 5:19, Tä̧do̧ Ä̧cua̧ I̧huȩnȩ).

“Dios I̧tti̧ ichinö ähuettä jȩi̧nö̧mä̧ o’ca juiyönä be’epäjipö icua pä’ö” (1 Juan 3:8).

Pi̧jä̧ rȩjȩnä̧ surojö huȩnȩ tta̧’a̧nö̧ kä̧mä̧di̧na̧’a̧ttö̧ pä’ö tu̧huo̧juä̧chi̧ʼa̧ päʼö ppädaʼa (Apocalipsis 12:12).

Pi̧jä̧ rȩjȩ adihuächäcuaʼa päʼö eseunu tta̧tä̧ra̧ päʼö ppädaʼa (1 Juan 2:17).

A̧ʼa̧, huäbodäcuä jo̧mȩnä̧ ka̧ʼa̧:

• Ähuettä uruhuomä beipächäcua’a. Jeohua pi̧jä̧ rȩjȩttö̧ Ähuettä uruhuo si’epö i̧cuä̧cua̧ päʼö amöcuädö ku̧ni̧nö̧. Jeohua “ähuettärö be’epäjipö” i̧cuä̧cua̧ päʼö päʼinö. Ja̧ʼhua̧ta̧nö̧ oʼca juiyö Ähuettä suronä jȩä̧ʼi̧jö̧ʼi̧nä̧ aditö i̧cuä̧cua̧ (Hebreos 2:14).

• Diosmä Jesúsru ru̧hua̧ päiʼönä ö̧ja̧ pä’ö ȩmi̧nö̧. Ähuettä ja̧’a̧ jitä ruhuo hueʼömä pi̧jä̧nä̧, pidemä ttö̧ja̧rö̧ rö̧ȩnä̧ surojö jȩpö̧, chutä amönätä repe’äu. Ja̧’hua̧nö̧ ja̧’a̧nä̧ Jesúsmä Ähuettättö’inä juiyo i̧mi̧cu̧nä̧ hua̧. Ja̧ʼhua̧tä̧nö̧ Dios, Jesús uruhuo hueomenä jȩä̧cuȩ ötö’cö jähuä päʼö: “Korotöttöʼinä abonänö hua̧sä̧ päʼähuocöröʼinä, usurä i̧sa̧rö̧’i̧nä̧ re rö̧jö̧nä̧ to̧ä̧cua̧ [...] adiu eseu ttö̧jö̧ juiyönä pä̧i̧cu̧nä̧ huettä̧u̧ru̧’i̧nä̧, rohuäcuähuättö usurä ȩmä̧huä̧tö̧rö̧ʼi̧nä̧ ttö̧ji̧pö̧nä̧ ppä̧dä̧cua̧” (Salmo 72:13, 14; Traducción del Nuevo Mundo).

• Diosmä yapareu pä’ocö. Dios I̧huȩnȩ Isä’tä huäjunätä päa’a “Diosmä yoröiso yapareu pä’ocö” (Hebreos 6:18, Tä̧do̧ Ä̧cua̧ I̧huȩnȩ). Ja̧’hua̧nö̧ ja̧’a̧ttö̧ Jeohua ʼcuäopä̧cuȩ päömä, iso päi’önä ʼcuäopäcuaʼatä ja̧ʼa̧ päʼö huo̧juä̧tö̧jä̧ (Isaías 55:10, 11). Chutä päinö taʼanö “jitä pi̧jä̧nä̧ hue’örö do’opö” i̧cuä̧cua̧ (Juan 12:31).